Prezident Sadyr Japarovtyŋ jarlyǧymen Qyrǧyzstan ükımetınıŋ töraǧasy qyzmetıne Adylbek Qasymaliev taǧaiyndaldy, dep habarlaidy "Adyrna" ūlttyq portaly 24.kg aqparat agenttıgıne sılteme jasap.
Adylbek Qasymaliev 1960 jyly 1 jeltoqsanda Ystyqköl oblysynyŋ Tüp audanynda düniege kelgen. Ol Leningrad qarjy-ekonomikalyq institutyn "ekonomist" mamandyǧy boiynşa tämamdaǧan. 2015-2018 jyldary Qyrǧyzstannyŋ qarjy ministrı qyzmetın atqarǧan. 2021-2022 jyldary prezident äkımşılıgı basşysynyŋ orynbasary boldy. 2022 jyly ükımet basşysynyŋ bırınşı orynbasary mındetın atqaruşy bolyp taǧaiyndaldy.
18 jeltoqsanda Jogorku Keŋeş otyrysynda prezident Sadyr Japarov būrynǧy premer-ministrdıŋ otstavkasyna qatysty tüsınıkteme berdı. Ol mūny Salyq qyzmetınıŋ basşylyǧy men qyzmetkerlerıne qatysty tergeu ısımen bailanystyrdy.
«Bızdı salyq jüiesındegı jaǧymsyz qūbylystar qatty alaŋdatty. Aksizdık markalarǧa qatysty alaiaqtyq äreketter belgılı boldy. Būl salany Aqylbek Japarov basqaryp kelgen, jäne ol zaŋsyz äreketterdı toqtata alar edı. Men ony tergeu aiasynda müddeler qaqtyǧysyn boldyrmau üşın qyzmetınen bosatuǧa mäjbür boldym», – dedı prezident.
Eske sala keteiık, 16 jeltoqsan künı Qyrǧyzstan ministrler kabinetınıŋ töraǧasy Aqylbek Japarov qyzmetınen ketkenın jazǧan edık.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz