Sätbaevtaǧy ereuıl. Şahterler jalaqyny ekı esege arttyrudy talap ettı

Ūlytau oblysy Sätbaev qalasyndaǧy "Qazaqmys" korporasiiasynyŋ şahta qyzmetkerlerı 17 jeltoqsan keşınde aitqan talaptaryn oryndaudy talap etıp, taramai tūr, dep habarlaidy "Adyrna" ūlttyq portaly QazTAG-qa sılteme jasap. "Jūmysşylar älı de tūr. Äzırge kelısımge kelgen joq", - dep habarlady şahta qyzmetkerlerı 18 jeltoqsan künı keşke. Ereuılşıler şahta ışınde jäne käsıporyn ǧimaratynyŋ aldynda jinaldy. Derekközder men fotosuretterge säikes, ǧimarattyŋ syrtynda kelıssöz nätijesın ondaǧan adam kütıp tūr. Al şahtadaǧy jūmysşylar sany belgısız. Eske salaiyq, 17 jeltoqsan keşınde 200-den astam adam ereuılge şyǧyp, bırneşe ūjymdyq talap qoidy. Negızgı talap – jalaqyny ekı esege arttyru. Ereuılşıler sonymen qatar, bastamaşyl top müşelerıne qysym körsetpeudı talap ettı. Aqparat közderınıŋ habarlauynşa, №65 şahta jūmysşylary jūmysty toqtatqan. Keiın kompaniia mälımdeme jasap, "Jezqazǧantüstımet" öndırıstık bırlestıgıne qarasty Oŋtüstık-Jezqazǧan jäne Jylandy kenışterınıŋ jūmysşylary da jalaqyny ekı ese arttyru mäselesın kötergenın aitty. 18 jeltoqsan taŋynda kompaniia tüsındırme jūmysyn "Qazaqmys" JŞS bas direktory jäne käsıpodaq ūiymdarynyŋ ökılderı jürgızgenın habarlady. Alaida kelıssözder nätijesı turaly aqparat berılmedı. "Jalaqyny kürt arttyru aimaqtaǧy jalaqy deŋgeiımen jäne saladaǧy aiyrmaşylyqty odan ärı ūlǧaityp, kompaniianyŋ keibır ken oryndarynyŋ bäsekege qabıletsızdıgıne äkeledı", – dep mälımdedı "Qazaqmys". Sonymen qatar kompaniia 2023-2024 jyldary Sätbaev pen Jezqazǧan qalalaryndaǧy 10-nan astam nysanǧa 30 milliard teŋgeden astam investisiia salǧanyn habarlady. 17 jeltoqsanda kompaniia qyzmetkerlerıne infliasiia deŋgeiınde, şamamen 8,5%-ǧa jalaqyny indeksasiialau josparlanǧanyn jariialady. Bıraq būl jūmysşylardy qanaǧattandyrmady. Kompaniia 2025 jyldan bastap jaŋa ūjymdyq şarttyŋ engızıletının aitty. Onda materialdyq kömek pen ötemaqylardy köbeitu, erekşe qajettılıgı bar balalardyŋ ata-analaryna qosymşa jeŋıldıkter, balalar demalysy baǧdarlamalaryn keŋeitu, jäne barlyq qyzmetkerlerdı erıktı medisinalyq saqtandyrumen qamtu qarastyrylǧan. Būl "Qazaqmys" şahterlerınıŋ jalaqyny köteru turaly bırınşı ereuılı emes. 2023 jylǧy tamyzda Sätbaev qalasynda jüzdegen şahter men kompaniia qyzmetkerlerı jūmysty toqtatqan.