Demoscope qoǧamdyq pıkırdı jedel monitoringı biurosy jürgızgen saualnama nätijesınde Qazaqstan azamattarynyŋ 53,1%-y eldıŋ bıryŋǧai uaqyt beldeuıne köşuın qoldamaǧany anyqtaldy, dep habarlaidy "Adyrna" ūlttyq portaly QazTAG-qa sıltep.
2024 jyldyŋ 27 qaraşasy men 11 jeltoqsan aralyǧynda jürgızılgen saualnamada azamattardyŋ osy reformaǧa qatysty pıkırı men 2024 jylǧy basty oqiǧalarǧa baǧa beruı zerttelgen. Saualnama nätijesı boiynşa, bıryŋǧai uaqyt beldeuın qoldaityndar 22,1%-dy qūrasa, 15,5%-y beitarap ūstanymda, al 7,4%-y būl özgerıs jaily bılmeitınderın aitqan.
Respondentterdıŋ reformaǧa qatysty közqarasy olardyŋ tūratyn aimaǧyna bailanysty özgergen. Şyǧys jäne ortalyq aimaqtarda – Abai, Şyǧys Qazaqstan, Jetısu, Qaraǧandy, Ūlytau oblystarynda – tūrǧyndardyŋ basym köpşılıgı (74,6%) bıryŋǧai uaqyt beldeuıne qarsylyq bıldırgen. Almatyda – 68,4%, Astanada – 55,7%, al oŋtüstık aimaqtarda (Şymkent, Almaty, Jambyl, Qyzylorda, Türkıstan oblystary) 47,8% būl şeşımge qarsy bolǧan. Soltüstık aimaqtarda (Aqmola, Qostanai, Pavlodar, Soltüstık Qazaqstan oblystary) qarsy pıkır bıldırgender ülesı 45,3%-dy qūrady.
Tek batys öŋırlerde (Aqtöbe, Atyrau, Batys Qazaqstan, Maŋǧystau oblystary) reformany qoldaityndardyŋ ülesı azdap basym bolǧan – 31,8% qoldap, 30,6% qarsy şyqqan.
Azamattardyŋ eŋ ülken alaŋdauşylyǧy tömen tabys deŋgeiı (37,6%), azyq-tülık baǧasynyŋ ösuı (28,3%) jäne sybailas jemqorlyq (26,8%) mäselelerıne baǧyttalǧan. Odan bölek, su tasqyny, jer sılkınısı mäselelerı taǧy bar.
Demoscope zertteuı qazaqstandyqtardyŋ ömır süru deŋgeiı men äleumettık mäselelerge qatysty syn közqarasynyŋ öskenın körsettı.
Ūqsas jaŋalyqtar
