20 jeltoqsan künı keşke Germaniianyŋ Saksoniia-Anhalt federaldy ştatyndaǧy Magdeburg qalasyndaǧy Rojdestvo bazarynda qaiǧyly oqiǧa oryn alǧan bolatyn. Qara BMW kölıgınıŋ jürgızuşısı bazarǧa soqtyǧysyp, adamdardy qaǧyp ötken. Küdıktınıŋ kım ekenı anyqtaldy, dep habarlaidy "Adyrna" ūlttyq portaly.
DW basylymynyŋ habarlauynşa, kölık sauda alaŋyna tolyq jyldamdyqpen kırıp, 400 metr jürıp, jolyndaǧy adamdardy qaqqan. Oqiǧa ornynda poliseiler kölıktı toqtatyp, küdıktını ūstady.
Şabuyl jasaǧan azamat – 1974 jyly tuǧan Saud Arabiiasynyŋ tumasy. Ol Germaniiaǧa 2006 jyly köşıp kelıp, saiasi bosqyn märtebesın alǧan. Küdıktı därıger bolyp jūmys ıstegen jäne Bernburg qalasynda tūrǧan. Saud Arabiiasyndaǧy derekközderıne süiensek, būl azamattyŋ ekstremistık mazmūndaǧy jazbalar qaldyrǧany turaly aqparat Germaniia bilıgıne berılgen.
Germaniia kanslerı Olaf Şols qaitys bolǧandardyŋ otbasylaryna köŋıl aityp, oqiǧa ornyna der kezınde kömek körsetken qūtqaruşylarǧa alǧys bıldırdı. NATO Bas hatşysy Mark Riutte kansler Şolspen bailanysyp, ūiymnyŋ Germaniiaǧa qoldau körsetuge daiyn ekenın jetkızdı. Qazaqstan Prezidentı Qasym-Jomart Toqaev Germaniia prezidentı Frank-Valter Ştainmaierge köŋıl aitty.
Ūqsas jaŋalyqtar
