Resei Ukrainaǧa 100-den astam dronmen şabuyl jasady

Resei äskerı jeksenbıge qaraǧan tünı Ukrainaǧa qarsy taǧy bır jappai drondyq şabuyl jasady, dep habarlaidy "Adyrna" ūlttyq portaly. Būl turaly Ukraina Qaruly Küşterınıŋ Äue küşterı mälımdedı. Olardyŋ aituynşa, tün ışınde Ukrainaǧa jalpy sany 103 Shahed ūşqyşsyz ūşaǧy men basqa da türdegı drondar jıberılgen. Ukrainanyŋ äue şabuylyna qarsy qorǧanysy Poltava, Sumy, Harkov, Kiev, Chernigov, Cherkassy, Kirovograd, Jitomir, Dnepropetrovsk, Herson, Nikolaev jäne Zaporoje oblystarynda 52 drondy atyp tüsırgen. Ukraina Qaruly Küşterınıŋ mälımetı boiynşa, taǧy 44 dron baǧytyn özgertıp, jerge zaqym keltırmegen. Bır dron Belarusqa qarai ūşyp ketken. Sonymen qatar, Herson baǧytyna Qyrymnan "İskander-M" ballistikalyq zymyrany ūşyrylǧany tırkeldı. Ukraina Qaruly Küşterınıŋ mälımetınşe, Resei şabuyly saldarynan Herson, Nikolaev, Chernigov, Sumy, Jitomir jäne Kiev oblystarynda zaqym kelgen. "Jeke käsıporyndar, köpqabatty üiler jäne azamattardyŋ mülıkterı bülıngen", – dep mälımdedı Ukraina Äue küşterı. Ukraina Tötenşe jaǧdailar qyzmetınıŋ aqparaty boiynşa, Kiev oblysyndaǧy Brovary qalasynda dron synyqtary 25 qabatty tūrǧyn üige qūlap, ört bastalyp, tūrǧyndar evakuasiialanǧan. Zardap şekkender joq. Herson oblysynyŋ äskeri äkımşılıgınıŋ basşysy Aleksandr Prokudin tüngı şabuyl saldarynan öŋırde 22 jeke üidıŋ bülıngenın habarlady. Bır adam qaza tauyp, altauy jaraqat alǧan. Olardyŋ arasynda bır bala bar.