Resei Federasiiasynan asa ırı mölşerde alaiaqtyq jasaǧan Özbekstan azamaty ekstradisiialandy. Ol almatylyqtardy 3,7 mlrd teŋgege aldap soqty degen küdıkke ılınıp otyr. Būl turaly bügın, 23 jeltoqsanda Bas prokuratura aitty, dep habarlaidy «Adyrna» tılşısı.
Er adam 2005-2007 jyldar aralyǧynda Almaty qalasyndaǧy qūrylys kompaniiasynda buhgalter bolyp jūmys ıstegen.
«Ol ülestık qūrylysqa qatysuşylardan aqşa qabyldaǧan. Tūrǧyn üi keşenınıŋ aiaqtalmaǧan qūrylys obektısı boiynşa jalǧan tübırtekter jazǧan», - delıngen habarlamada.
Esepşınıŋ jäne onyŋ sybailastarynyŋ zaŋsyz äreketınen soŋ Almaty qalasynyŋ 80-nen astam tūrǧyny 3,7 mlrd teŋge şyǧynǧa ūşyraǧan. Mūndai zaŋ būzuşylyqtar üşın esepşınıŋ bır sybailasy sottalǧan. Al esepşı ızın suytyp, qaşyp ketken. Būdan soŋ oǧan qūzyrly organ halyqaralyq ızdeu jariialady.
«Ötken jyldyŋ jeltoqsan aiynda ızdeude jürgen adam Resei Federasiiasynyŋ Krasnodar ölkesınde ūstaldy, sodan keiın Qazaqstan Respublikasy Bas prokuraturasynyŋ sūrau saluy boiynşa Qazaqstanǧa ekstradisiialandy. Qazırgı uaqytta küdıktı tergeu izoliatoryna qamaldy. Aiyptaǧan qylmys jasaǧany üşın mülkı tärkılenıp, bes jyldan on jylǧa deiıngı merzımge bas bostandyǧynan aiyru jazasy qarastyrylǧan», - delıngen Bas prokuratura habarlamasynda.
