Taraz topyraǧynan tülep ūşyp, isı qazaqqa tanylǧan azamattar jeterlık. Solardyŋ bırı häm bıregeiı memleket jäne qoǧam qairatkerı Myrzatai Joldasbekov.
Jambyl oblysy äkımdıgınıŋ mädeniet, arhivter jäne qūjattama basqarmasynyŋ ūiymdastyruymen Ş.Uälihanov atyndaǧy oblystyq ǧylymi-ämbebap kıtaphanasynda filologiia ǧylymdarynyŋ doktory, professor Myrzatai Joldasbekovpen ruhani kezdesu öttı. Basqosuda äŋgıme arqauyna ainalǧan taqyryp – oblystyŋ 80 jyldyǧyna orai jaryq köretın köptomdyqtyŋ daiyndalu barysy boldy.
Biyl Jambyl oblysy özınıŋ 80 jyldyq mereitoiyn atap ötıp jatyr. Osy mereitoi qarsaŋynda Jambyl oblysynyŋ 80 jyldyq tarihynan syr şertetın köptomdyq şyǧaru josparlanyp otyr.
Oblystyq memlekettık arhivtıŋ mūraǧattanuşysy Maqūlbek Rysdäulettıŋ aituynşa, oblys äkımı Asqar Myrzahmetovtıŋ bastamasymen daiyndalyp jatqan köptomdyqtyŋ alǧaşqy legı daiyndalyp, baspaǧa jıberılgen. Ardager jurnalist atalǧan köptomdyq oblystyŋ 80 jyldyq mereitoiyna arnalǧan airyqşa tartu bolatynyn eskerttı.
Al Myrzatai Joldasbekov bolsa köptomdyqty äzırleu barysynda asyǧystyqqa jol beruge bolmaitynyn jerlesterıne aitty. Sondyqtan da ol būl ıste asqan jauapkerşılık tanytu kerektıgın jetkızdı.
«Jas ūrpaq eldıŋ, öŋırdıŋ tarihyn, özınıŋ tüp tamyryn bılıp jüruı tiıs. Sondyqtan sızderdıŋ jasap jatqandaryŋyz – alǧys aituǧa, qūrmet körsetuge tūrarlyq ızgılıktı bastama. Bıraq asyqpau kerek. Jan-jaqty saralap, jetı ret ölşep, bır ret kesken jön. Mälımetterdıŋ būrmalanbauyna nazar audaryŋyzdar. Bılmegendı sūraudyŋ eşqandai da sökettıgı joq. Bılmegenderıŋız bolsa aqyl-keŋes aityp, körgen-tüigenımmen, qolymda bar derektermen bölısuge daiynmyn», – dedı Myrzatai Joldasbekov.
Kezdesude kelelı keŋes aitqan ǧalym özınıŋ bırqatar qūndy eŋbekterın Ş.Uälihanov atyndaǧy oblystyq ǧylymi-ämbebap kıtaphanasynyŋ qoryna syiǧa tartty.
Būdan keiın ol Taraz qalasyndaǧy «Möldır» meiramhanasynda öŋırdıŋ belgılı tūlǧalarymen, ziialy qauymmen, mädeniet pen öner, ädebiet, ruhaniiat salasynyŋ ökılderımen jüzdestı. Jiynda oblys äkımı Asqar Myrzahmetov söz söilep, elımız Täuelsızdıgınıŋ qalyptasu jyldarynda Elbasynyŋ senımdı serıgı bolǧan, körnektı ǧalym Myrzatai Joldasbekovtıŋ memlekettıŋ damuyna qosqan zor ülesıne toqtalyp, jerlesterı atynan denıne saulyq, otbasyna amandyq, jūmystaryna tabys tıledı.
Sondai-aq jiynǧa qatysqandardyŋ barlyǧyna M.Joldasbekovtıŋ «Täuelsızdık taǧylymy», «Künderımnıŋ kuäsı», «Kındıgımdı kesken jūrt», «Asyldarym», «Şırkın, däuren!» kıtaptary taratyldy.
«ADYRNA»
ūlttyq portaly
