AES qūrylysyn jürgızetınder bırınşı jartyjyldyqta belgılı bolady - Ministr

Ükımet janynan qūrylǧan AES qūrylysy boiynşa arnaiy komissiia jūmysyn jedeldetıp, konsorsiumǧa qatysuşylar boiynşa şeşım 2025 jyldyŋ bırınşı jartysynda qabyldanady, dep habarlaidy "Adyrna" ūlttyq portaly.  Būl turaly Energetika ministrı Almasadam Sätqaliev mälımdedı. «Bastapqyda kelesı jyly osy prosestıŋ jeŋımpazy boiynşa tüpkılıktı şeşım qabyldau josparlanǧan bolatyn. Prezidenttıŋ soŋǧy tapsyrmasyna säikes, komissiia osy jūmysty jedeldetıp, tiıstı şeşımdı jaqyn arada qabyldauǧa bar küşın salady. 2025 jyldyŋ bırınşı jartysynda şeşım qabyldanady», – dedı Sätqaliev. Ministrdıŋ aituynşa, kompaniialar Qazaqstanǧa merzımder men şyǧyndardy oŋtailandyrudy qamtamasyz etetın ūsynystar beruı kerek. «Älemde Qytaidyŋ ūlttyq atom kompaniiasy Päkıstanda alty jyl ışınde energoblok salǧany turaly mysal bar. Qazırgı zamanǧy tehnologiialar jyldam şeşımder qabyldauǧa mümkındık beredı», – dep tüsındırdı ol. Sonymen bırge, Sätqalievtıŋ aituynşa, atom elektr stansiiasyn salu – ūzaq merzımdı prosess. Ädette, jobalau üş jylǧa sozylady, al «bırınşı betonnan bastap bırınşı bloktyŋ tolyq aiaqtaluyna deiıngı» qūrylys merzımı 8-den 14 jylǧa deiın sozylady. «Qazaqstan üşın būl merzımder qolaisyz. Bız jūmysty ūiymdastyryp, özımızdıŋ qūzyretterımızdı damytyp, halyqaralyq täjıribenı paidalanuymyz kerek. Sondai-aq, vendorlarmen joǧary sapaly ūsynystar jasau boiynşa jan-jaqty jūmys jürgızu qajet», – dep atap öttı ministr. Prezident Qasym-Jomart Toqaev energetika ministrıne AES qūrylysy boiynşa jūmysty jedeldetudı tapsyrǧan bolatyn. Referendumnan keiın memleket basşysy atom elektr stansiiasyn salu üşın bırneşe eldıŋ konsorsiumyn qūru josparlary turaly mälımdegen edı. Fransiia men Qytai būl jobaǧa qatysuǧa daiyn ekenın bıldırse, Resei prezidentı «Rosatomnyŋ» Qazaqstandaǧy AES qūrylysyna qatysuǧa daiyn ekenın aitqan.