Jedel järdemge jol bermegender 74 myŋdai aiyppūl töleidı

Parlament senaty Äkımşılık qūqyq būzuşylyq turaly kodekske engızıletın jaŋa tüzetulerdı maqūldady, dep habarlaidy “Adyrna” ūlttyq portaly. Qūjatqa säikes jol qozǧalysy erejelerın būzǧandarǧa qatysty aiyppūl mölşerı men jaza türlerı aitarlyqtai küşeiedı. Kölık terezesınen nemese liugınen denesın şyǧaryp, esıktı aşqan jolauşylar 10 AEK (34500 teŋge) kölemınde aiyppūl töleidı. Qarsy jolaqqa şyqqan mügedek jürgızuşıler üşın jürgızuşı kuälıgınen aiyru jazasy qoldanylmaidy. Onyŋ ornyna 30 AEK (103500 teŋge) aiyppūl salynady. Odan bölek, eger jol apatynan zardap şekkender bolmasa, jürgızuşı 9 aiǧa kölık jürgızu qūqyǧynan aiyrylady (596-bap). Jedel järdem nemese arnaiy qyzmet kölıgıne basymdyq bermegender 20 AEK (69000 teŋge) aiyppūl töleidı. Ereje bır jyl ışınde qaitalansa, aiyppūl kölemı 40 AEK-ke (138000 teŋge) ösedı nemese 20 saǧat qoǧamdyq jūmysqa tartylady (598-bap). Būl jaǧdaidaǧy aiyppūl 10 AEK-ten 20 AEK-ke deiın köbeiedı. Eger jürgızuşı jol apatyna sebepker bolsa, 9 aiǧa jürgızuşı kuälıgınen aiyrylady (607-bap). Erejenı bır jyl ışınde qaita būzǧandar 20 saǧat qoǧamdyq jūmysqa tartylady. Avtotūraq aqysyn tölemegenderge salynatyn aiyppūl mölşerı 3 AEK-ten 1 AEK-ke deiın tömendeidı. Bır jyl ışınde qaitalanǧan jaǧdaida 5 AEK ornyna 2 AEK aiyppūl tölenedı (597-bap). Zardap şekkender bolmaǧan jaǧdaida jürgızuşı kuälıgınen aiyru jazasy qoldanylmaidy. Onyŋ ornyna 20 AEK aiyppūl salynady. Eger apat bır jyl ışınde qaitalansa nemese adam zardap şekse, 9 aiǧa kölık jürgızu qūqyǧynan aiyrylady (610-bap). Būl tüzetulerge endı prezident qol qoiuy kerek. Qūjat 2025 jyldyŋ qaŋtarynan bastap küşıne enuı mümkın.