Bügın Almatydaǧy Prezident arhivınde «Alaşorda ısı. 1920-1940 jj. Qūjattar men materialdar» atty 12 tomdyq jinaqtyŋ tanystyrylymy öttı. Būl jinaq Alaş qozǧalysyna qatysty arhivtık derekterdı tolyq qamtityn bıregei eŋbek retınde tanyldy.
Jinaq QR Ūlttyq qauıpsızdık komitetı, Işkı ıster ministrlıgı jäne Bas prokuraturanyŋ arhiv qorlarynda būryn qūpiia saqtalǧan materialdar negızınde qūrastyrylǧan. Onda Alaş qairatkerlerınıŋ qyzmetı, olardyŋ otbasy müşelerıne qatysty tergeu materialdary, sonymen qatar türlı köterılıster men sol kezeŋdegı tarihi oqiǧalar qamtylǧan.
Jinaqtyŋ tanystyrylymynda tarih ǧylymdarynyŋ doktory, professor Mämbet Qoigeldı būl jūmysty Odaq kölemındegı eŋ auqymdy ärı nätijelı eŋbek dep baǧalady. Onyŋ aituynşa, köptomdyq Alaş qozǧalysy, jer mäselesı, qudalanǧan äuletter, oppozisiialyq toptar turaly tolyqqandy derekter ūsynady.
- Alǧaş ret qazaq qoǧamyndaǧy oppozisiia taqyrybyna erekşe köŋıl bölıngen.
- Alaşty qoldaǧan bailar men qudalanǧan dıni qairatkerlerdıŋ taǧdyry turaly qūjattar engızılgen.
- Alaş qairatkerlerın aqtau, halyq köterılısterı men jer mäselesı turaly derekter toptastyrylǧan.
Köptomdyqty daiyndauǧa QR Memlekettık keŋesşısı Erlan Qarinnıŋ qoldau körsetkenı atap ötıldı. «Būl jinaq HH ǧasyrdaǧy Qazaqstan tarihyn tereŋırek zertteu üşın taptyrmas qūndy eŋbek», - dedı professor.
Kıtaptyŋ tolyq tanystyrylymy 2025 jyldyŋ qaŋtar aiynda ötedı.
