Bügın Jezqazǧan jäne Sätbaev qalalarynda 320 oryndyq jaŋa balabaqşalar aşylyp, aimaqtaǧy mektepke deiıngı bılım beru sapasyn arttyru baǧytynda maŋyzdy qadam jasaldy. Būl balabaqşalar zamanaui standarttarǧa sai jabdyqtalǧan jäne balalardyŋ qauıpsız ärı qolaily ortada tärbielenuıne mümkındık beredı.
Aşylu saltanatyna Ūlytau oblysynyŋ äkımı Dastan Ryspekov, oblystyq mäslihattyŋ töraǧasy Bauyrjan Şyŋǧysov, QR Sybailas jemqorlyqqa qarsy ıs-qimyl agenttıgınıŋ Ūlytau oblysy boiynşa departamentınıŋ basşysy Erlan Joldybaev jäne ūstazdar men ata-analar qatysty. Öŋır basşysy atqarylyp jatqan igı jūmystardy ūly akademiktıŋ 125 jyldyǧynda oryn alǧan sättı qadamdardyŋ bırı ekenın atap öttı.
Sonymen qatar kenşıler qalasynda köpten kütken Oquşylar saraiynyŋ aşylu saltanaty öttı. Balalar men jasöspırımderdıŋ şyǧarmaşylyq qabıletterın damytuǧa arnalǧan ortalyqta qazırdıŋ özınde 1000-nan astam oquşy üiırmege jazylǧan. Būl sarai balalardyŋ ǧylym, öner, sport jäne zamanaui tehnologiialardy meŋgeruıne jol aşatyn jaŋa mümkındıkterdı ūsynady.
Saltanatty räsımnen keiın Ūlytau oblysynyŋ äkımı Sätbaev qalasynda «Qazaqmys» korporasiiasymen memorandum aiasynda kürdelı jöndeuden ötken «Aqbota» balabaqşasynyŋ jūmys barysyn qadaǧalady. Böbekjai 60 jylǧa juyq uaqyttan keiın tūŋǧyş ret tolyqtai jaŋartyldy.
Sonymen qatar bügın ūlttyq joba aiasynda Ūlytau oblysynda tūŋǧyş «Jaily mekteptıŋ» aşylu saltanaty öttı. 300 oryndyq bılım oşaǧy Qabanbai batyr şaǧynaudanynda ornalasqan. Öŋır basşysy şaǧynaudan oquşylarynyŋ endı Jezqazǧan qalasyna qatynauǧa mäjbür bolmaityndyǧyn atap ötıp, bılım aluşylarǧa sättılık tıledı. Ekı qabatty keŋ ǧimaratta zamanaui synyptar, zerthanalar, sport jäne öner zaldary qarastyrylǧan, sonymen qatar oqytu prosesıne zamanaui sifrlyq tehnologiialar engızılgen.
