Prezident Maŋǧystau oblysynda bolǧan ūşaq apatyna qatysty pıkır bıldırdı. Ol Qazaqstan azamattary da qaza tapqanyna toqtalyp, marqūmdardyŋ otbasy men jaqyndaryna taǧy da köŋıl aitty, dep habarlaidy "Adyrna" ūlttyq portaly Aqordaǧa sıltep.
Prezident Qasym-Jomart Toqaev jedel kömek körsetu qūrylymdary apat kezınde şūǧyl ärı üilesımdı äreket etkenıne nazar audardy.
Foto: Aqorda[/caption]
"Apattyŋ saldary būdan da auyr boluy mümkın edı. Bız būǧan jol bergen joqpyz. Adam ömırın saqtap qaldyq. Qūtqaru jūmystary joǧary deŋgeide jürgızıldı. Qajettı aqparattyŋ barlyǧy jūrtşylyqqa uaqytyly berılıp tūrdy. Iаǧni oqiǧa boiynşa tolyqqandy mälımet bärıne bırdei ūsynyldy. Azamattarymyz alǧaşqy minuttan bastap zardap şekkenderge kömek qolyn sozdy. Halqymyz janaşyrlyq, ūiymşyldyq jäne şynaiy tıleulestık qasietın körsettı. Jūrt kezekke tūryp, qan tapsyrdy. Äzerbaijan elşılıgı ǧimaratyna gül şoqtaryn qoidy. Būl turaly elımızdıŋ jäne şeteldıŋ būqaralyq aqparat qūraldary jan-jaqty mälımet taratty. Qūtqaruşylardyŋ, därıgerlerdıŋ jäne volonterlerdıŋ adal qyzmetıne küllı älem kuä boldy. Äsırese, körşıles ärı serıktes elder – Äzerbaijan, Resei, Qyrǧyzstan azamattary airyqşa alǧys bıldırıp jatyr, – dedı Memleket basşysy.Prezident Ükımetke apat saldaryn joiuǧa atsalysqan adamdardyŋ erlıgı men eŋbegın laiyqty atap ötu, erekşe közge tüsken azamattardy memlekettık nagradaǧa ūsynu jönınde tapsyrma bergen. Memleket basşysy Ükımettık komissiiaǧa zardap şekken şetel azamattaryna qajettı medisinalyq jäne psihologiialyq tūrǧydan tolyq kömek berudı, qaitys bolǧan Qazaqstan azamattarynyŋ tuǧan-tuystaryna airyqşa qamqorlyq körsetudı tapsyrdy. Ükımettık komissiia men Bas prokuraturaǧa basqa qūzyrettı organdarmen bırlesıp, ūşaq apatyna jan-jaqty ärı obektivtı tergeu jürgızu mındetı jükteldı. [caption id="attachment_224237" align="alignnone" width="1228"]
Foto: Aqorda[/caption]Ūqsas jaŋalyqtar
