"Naǧyz dostyq pen bauyrmaldyqtyŋ belgısı". Äzerbaijan prezidentı Qazaqstanǧa alǧysyn bıldırdı

Äzırbaijan prezidentı İlham Äliev AZAL äue kompaniiasynyŋ ūşaǧy Aqtau maŋynda apatqa ūşyraǧan kezde körsetken sauatty ıs-qimyldary üşın Qasym-Jomart Toqaevqa jäne Qazaqstan halqyna alǧysyn bıldırdı, dep habarlaidy "Adyrna" ūlttyq portaly.  Būl turaly sfera.az jazdy. «Eŋ aldymen, men Prezident Toqaevqa qoŋyrau şalyp, alǧysymdy bıldırdım. Apat bolǧan sätte-aq, oqiǧa ornyna bırden qazaqstandyq qūtqaruşylar kelıp, synǧan fiuzeliajdan adamdardy şyǧara bastady. Olar jarylys boluy mümkın ekenın bılmei, öz ömırlerın qaterge tıktı. Bıraq soǧan qaramastan, naǧyz erlık körsettı», – dedı Äliev. Jurnalisterdıŋ sūraqtaryna jauap bere otyryp, ol qazaqstandyq därıgerlerdıŋ jūmysyn jäne bükıl el azamattarynyŋ tragediiaǧa degen közqarasyn atap öttı. «Bızdıŋ qazaq bauyrlarymyz ben äpke-qaryndastarymyzdyŋ yntymaqtastyǧy äzırbaijan halqynyŋ jüregınde ülken ız qaldyrdy. Qarapaiym azamattar Aqtaudaǧy bızdıŋ konsuldyqqa kelıp, gül şoqtaryn qoiyp, öz sezımderı men yntymaqtastyqtaryn bıldırdı. Būl – naǧyz dostyq pen bauyrmaldyqtyŋ belgısı», – dedı Äzırbaijan prezidentı. Äliev tragediiany tergeu mäselelerın Qazaqstan Prezidentımen talqylaǧanyn jäne onyŋ tüsınıstık tanytqanyn aitty. «Sonymen qatar, men Prezident Toqaevqa qaiǧyra köŋıl aittym, öitkenı apat saldarynan alty qazaqstandyq azamat qaza tapty. Ol da maǧan köŋıl aitty. Osy qaiǧyly jaǧdaiǧa qaramastan, Qazaqstanmen dostyq pen bauyrlastyq qarym-qatynasymyz odan ärı nyǧaia tüstı», – dep tüiındedı Äliev.