Oŋtüstık Koreiada 29 jeltoqsanda Jeju Air äue kompaniiasynyŋ jolauşylar ūşaǧy apatqa ūşyrady. Ūşaq Bangkoktan Muan halyqaralyq äuejaiyna qonu kezınde ūşu-qonu jolaǧynan şyǧyp, qorşauǧa soǧylǧan. Saldarynan ūşaq ekıge bölınıp, ört şyqty. Būl turaly Qazaqstannyŋ osy eldegı elşısı qyzmetın atqarǧan, qazır Koreiada zertteumen ainalysatyn Hanguk universitetınıŋ professory Dulat Baqyşevten sūrap kördık.
Bortta 181 adam bolǧan, onyŋ ışınde 175 jolauşy jäne 6 ekipaj müşesı. Ökınışke qarai, 179 adam qaza tauyp, tek ekı ekipaj müşesı aman qaldy. Olar ortaşa jäne auyr jaraqattarmen auruhanaǧa jetkızıldı. Jolauşylardyŋ basym bölıgı Oŋtüstık Koreia azamattary, sondai-aq ekı Tailand azamaty bolǧan.
Qazaqstandyq azamattardyŋ ūşaqta bolmaǧany rastaldy.
Qūtqaru jäne tergeu jūmystaryna 720-ǧa juyq adam tartyldy, olardyŋ qatarynda äuejai qyzmetkerlerı, ört söndıruşıler, poliseiler, äskeri qyzmetkerler men jaǧalau küzetı bar. Apattyŋ naqty sebepterı tergeu barysynda anyqtalady.
Oŋtüstık Koreiadaǧy ūşaq apaty aviasiia tarihyndaǧy eŋ ırı qaiǧyly oqiǧalardyŋ bırı bolyp otyr. Tergeu nätijelerı tolyqtai jariialanǧannan keiın apattyŋ naqty sebepterı men bolaşaqta osyndai jaǧdailardy boldyrmau joldary anyqtalady.
Al osydan 4 kün būryn Azerbaijan Airlines äuekompaniiasynyŋ Bakuden Groznyiǧa baǧyt alǧan jolauşylar ūşaǧy apatqa ūşyraǧan. Apat saldarynan 38 adam qaza tauyp, 29 adam tırı qalǧan.
Bügıngı oqiǧaǧa qatysty 2012-2018 jyldary Qazaqstannyŋ Koreia Respublikasyndaǧy Tötenşe jäne ökılettı elşısı bolǧan, qazır de osy elde ǧylymi zertteumen ainalysatyn Hanguk universitetınıŋ Ortalyq Aziia kafedrasynyŋ professory Dulat Baqyşevten keŋırek bıluge tyrystyq. Bır aita keterlıgı ol da ūşaqpen jolauşylap bara jatyr eken.
- Koreiadaǧy ūşaq apatynyŋ aldyn ala sebebı qandai? Qandai versiialar aitylady?
- Muan – provinsiiada ornalasqan äuejai. Halyqaralyq äuejai därejesın alǧanyna da köp uaqyt ötpegen. Jaŋa reis. Bälkım, äuejaidyŋ infraqūrylymy, qyzmetterınde kemşılık bolǧan şyǧar. Ol jerde täjıribe azdau degendı korei BAQ - tary aityp jatyr.
Alaida, mamandar qonuǧa baǧyt alǧanda ūşaqtyŋ motoryna qūstyŋ engenın bıldıretın belgınıŋ bolǧanyn da aituda. Sondyqtan apattyŋ egjei - tegjeiın saraptau qajet.
- Ūşaqtyŋ aeroportqa qonyp, sosyn soǧyluyna ne sebep?
- Ūşaq jöndı, ornyqty, iaǧni ştatty rejımde qona almaǧanǧa ūqsaidy. Sondyqtan da äue kemesı qonǧan küiı zymyrap baryp qorşauǧa soǧyldy.
- Bälkım qisynsyzdau sūraq bolar, Bakuden ūşqan ūşaq pen Koreiadaǧy ūşaq apatynyŋ ūqsastyǧy bar ma?
- Ekı apat arasynda eşbır ūqsastyq joq degen oidamyn. Ärine, mamandar, qūrylǧan komissiialar öz oilaryn däiektı türde aita jatar.
- Bıraq, eŋ basty aiyrmaşylyq: bırınşı jait soǧysyp jatqa elde oryn alsa, ekınşısı beibıt eldıŋ öz ūşaǧynyŋ öz jerınde üşınşı taraptyŋ aralasuynsyz apatqa ūşyrauy bolyp tabylady.
- Sūhbatyŋyzǧa raqmet!
Symbat Nauhan
«Adyrna» ūlttyq portaly
Ūqsas jaŋalyqtar
