Ūlytau oblysynyŋ Jezqazǧan qalasyndaǧy jylu jelılerın jöndeu üşın rezervten qarjy böldı. Būl turaly bügın, 30 jeltoqsanda Ükımettıŋ baspasöz qyzmetı aitty, dep habarlaidy «Adyrna» tılşısı.
Qazırgı taŋda qaladaǧy qūbyrlardyŋ 60 paiyzǧa juyǧy tozǧan. Resmi derekterge süiensek, jelılerdıŋ basty bölıkterı 1951 jyly paidalanuǧa berılgen.
«Qūjat Qazaqstan Ükımetınıŋ rezervınen Ūlytau oblysynyŋ biudjetıne maqsatty transfertter türınde audaru üşın 1,5 mlrd teŋge kölemınde qarajat böludı közdeidı. Qarjylandyru «Jezqazǧan qalasynyŋ TM11 jylu jelılerın rekonstruksiialau men jaŋǧyrtu» jobasynyŋ 2-şı kezegın ıske asyruǧa baǧyttalady», – delıngen habarlamada.
Aita keteiık, Jezqazǧan qalasynda 89 myŋ adam tūrady. Qalaǧa jylu elektr ortalyǧy jylu beredı. Qalalyq jylu jelılerı 398 şaqyrymǧa sozylyp jatyr.
