Almatyda Qytai ekspansiiasyna qarsy şyqqan ekı belsendı sottaldy

Almatyda 4 qyrküiekte qytai ekspansiiasyna qarsy mitingıge qatysqan  ekı belsendı ūstalyp, sottaldy, dep habarlaidy Vlast.kz. «Belsendıler Aidos Bazarhan men Ashat Jeksenbaev qamauǧa alyndy. Olar keşke äkımşılık sotqa jetkızıldı. Olarǧa on kün (äkımşılık qamauǧa alu) berıldı », - dedı azamattyq belsendı Marat Turymbetov basylymǧa. Onyŋ aituynşa, mitingke qatysqan taǧy bır qoǧamdyq belsendı Mūrat Şormanovty belgısız baǧytta alyp ketken. Ūstalǧandardy qoldau üşın äkımşılık sot ǧimaratyna kelgen almatylyqtardyŋ aituynşa, er adamdarǧa advokattar berılmegen. Basylym būl aqparatty qalalyq sottyŋ baspasöz qyzmetınen naqtylai almady. 16 qyrküiek künı Almaty polisiia departamentınıŋ baspasöz qyzmetı Facebook-tegı paraqşasynda respublikalyq «Siujet» jedel-aldyn alu şarasyn jariialaǧanyn atap ötken jön.  Onyŋ maqsaty, polisiianyŋ aituynşa, «azamattardyŋ qauıpsızdıgın qamtamasyz etu, qoǧamdyq tärtıptı saqtau, qylmystar men qūqyq būzuşylyqtardyŋ aldyn alu, anyqtau jäne jolyn kesu». Belsendıler būl ıs-şara 21 qyrküiekte jariialanǧan mitingı qarsaŋynda saiasi belsendılıktıŋ jolyn kesuge baǧyttalǧan dep sanaidy, onyŋ taqyryby Qytaidyŋ taǧy da Qazaqstanǧa yqpaly bolmaq, dep jazady gazet. Ötken aptanyŋ soŋynda Şyǧys Qazaqstan oblysynda aimaqtyŋ bırınde jerdı qytailarǧa beru turaly qauesettıŋ taraluyna bailanysty bırneşe adam ūstaldy. Olarǧa qatysty QR QK 274-babynyŋ 2-bölıgı (körıneu jalǧan aqparat taratu) negızınde tergeu bastaldy. Soŋǧy belsendılerdı tūtqyndauǧa  deiın Jaŋaözende jäne Qazaqstannyŋ basqa da bırqatar qalalarynda, sonyŋ ışınde Almatyda Qytaiǧa qarsy mitingıler ötken bolatyn.