Bügın, 6 qaŋtarda Türkıstan oblysyna jaŋa äkım taǧaiyndaldy. Būl turaly Aqordanyŋ baspasöz qyzmetı aitty, dep habarlaidy «Adyrna» tılşısı.
«Memleket basşysynyŋ Jarlyǧymen Nūralhan Oralbaiūly Köşerov Türkıstan oblysynyŋ äkımı lauazymyna taǧaiyndaldy»,—delıngen habarlamada.
Būǧan deiın būl qyzmettı Darhan Satybaldy atqarǧan bolatyn.
Nūralhan Köşerov 1984 jyly Şymkent qalasynda düniege kelgen. Bılımı joǧary. M.Äuezov atyndaǧy Oŋtüstık-Qazaqstan memlekettık universitetı, Qazaq gumanitarlyq zaŋ universitetı, Mäskeudegı Resei Federasiiasy Prezidentınıŋ janyndaǧy Resei halyq şaruaşylyǧy jäne memlekettık qyzmet akademiiasy joǧary bılım beretın memlekettık biudjettık bılım beru mekemesınde bılım alǧan.
Eŋbek jolyn 2008 jyly Parlament Mäjılısı deputatynyŋ kömekşısı bolyp bastady. 2009-2011 jyldary Qarjy ministrlıgınıŋ Salyq komitetınde taldauşy, Astana qalasy Salyq departamentınıŋ Almaly audany boiynşa salyq basqarmasynyŋ zaŋdy tūlǧalardyŋ salyq auditı bölımınıŋ bas mamany bolyp eŋbek ettı.
2010-2014 jyldar aralyǧynda Astana qalasynyŋ Salyq departamentı Esıl audanynyŋ salyq basqarmasy bastyǧynyŋ orynbasary qyzmetın atqardy.
2014 jyldan 2015 jylǧa deiın Astana qalasy Esıl audany boiynşa Memlekettık kırıster basqarmasynyŋ bastyǧy, Qarjy ministrlıgı Salyq komitetınıŋ Astana qalasy boiynşa Salyq departamentı basşysynyŋ orynbasary boldy.
2015-2018 jyldary Şymkent qalasy äkımınıŋ orynbasary, 2018-2021 jyldary QR Qarjy ministrlıgınıŋ Memlekettık kırıster komitetı Maŋǧystau oblysy boiynşa Memlekettık kırıster departamentınıŋ Aqtau qalasy boiynşa Memlekettık kırıster basqarmasynyŋ basşysy, QR Qarjy ministrıgınıŋ Memlekettık kırıster komitetı Şymkent qalasy boiynşa Memlekettık kırıster departamentınıŋ basşysy lauyzymdaryn eŋbek ettı.
2021-2023 jyldary Qazaqstan Respublikasy Qarjy ministrlıgınıŋ Memlekettık kırıster komitetı Atyrau oblysy boiynşa Memlekettık kırıster departamentınıŋ basşysy qyzmetın atqaryp keldı.
2023 jyldan bügıngı künge deiın Türkıstan oblysy äkımınıŋ orynbasary qyzmetın atqaryp keldı.
