Qazaqstanda jaŋa ipotekalyq baǧdarlamalar paida bolady. Būl turaly Ükımet otyrysynda Premer-ministr Oljas Bektenov mälımdedı, dep habarlaidy "Adyrna" ūlttyq portaly.
"Önerkäsıp, energetika, kölık, auyl şaruaşylyǧy, su resurstary ministrlıkterıne käsıporyndarmen, äkımdıktermen jäne Otbasy bankımen bırlesıp, jūmysşy kadrlar üşın ipotekalyq jäne jalǧa berıletın tūrǧyn üidıŋ jeŋıldetılgen baǧdarlamalaryn ıske qosu mäselelerın pysyqtaudy tapsyramyn", – dedı Premer-ministr.
Sondai-aq, Oljas Bektenov Qazaqstanǧa myŋdaǧan bılıktı jūmysşylar qajet ekenın atap öttı.
"Jyl saiyn jaŋa mamandyqtar paida bolyp jatyr. Sondyqtan bolaşaqtaǧy daǧdylar men qūzyretterdı boljau üşın barlyq äkımdıkterge öŋırlık käsıpter atlasyn äzırleu qajet. Äzırge mūndai qūjat tek 9 öŋırde ǧana bar. Jastardyŋ jūmysşy mamandyqtardy sanaly türde taŋdauyna jaǧdai jasau üşın käsıbi baǧdar beru jūmysynda jaŋa täsılderdı jüzege asyru qajet", – dep atap öttı Premer-ministr.
Ūqsas jaŋalyqtar
