QR Qarjy naryǧyn retteu jäne damytu agenttıgınıŋ aldyna on beske juyq adam narazylyqqa şyqty, dep habarlaidy “Adyrna” ūlttyq portaly Orda.kz saityna sılteme jasap.
Aitularynşa, olar ipotekany uaqytyly tölemegendıkten üilerın bosatuǧa mäjbür bolǧan. Bankter keibır üilerdı öz atyna zaŋdastyryp alǧan.
2016, 2017 jäne 2020 jyldar aralyǧynda baspanasynan aiyrylǧan adamdar narazylyq aksiiasyna şyqty. Olardyŋ arasynda mümkındıgı şekteulı jandar da bar.
Şeruşıler banktıŋ äreketın zaŋsyz dep sanaidy.
Üiınen aiyrylǧandardyŋ bırı Gülbaqyş Raqymjanqyzynyŋ aituynşa, ol 2006 jyly ipoteka alǧan. İpotekany tölei almaǧandyqtan üiınen aiyrylǧan. Qazır ol bank öz atyna bölıp bergen päterde tūryp jatyr.
2007 jyly Halyq bankınen ipoteka alǧanbyz. Qazır ipotekany tölei almai otyrmyz, ekınşı toptaǧy mügedek balam bar. İpotekalyq nesienı ötei almaǧan soŋ, bank üidı öz atyna audardy. Şydamymyz tausyldy. Bız altaumyz. Qazır bız bank öz atyna jazyp bergen päterde tūryp jatyrmyz. Jalǧyz men ǧana emes, kelgenderdıŋ barlyǧy üilerın qaitarǧysy keledı. Būl bızdıŋ basty maqsatymyz. Iske jeke sot oryndauşylary da, bankirler de qatysty, – deidı Gülbaqyş Raqymjanqyzy.
Top Halyq bankınıŋ keŋsesıne baratynyn habarlady. Aitularynşa, bank qyzmetkerlerı telefon tūtqasyn kötermeidı. Qarjy naryǧyn retteu organynyŋ ǧimaratynda narazylyq bıldıruşıler bank qyzmetkerlerımen qaita-qaita habarlaspaq bolǧan. Bıraq olardyŋ qoŋyrauyna eşkım jauap bermedı.
“Adyrna” ūlttyq portaly
