Memleket basşysynyŋ Jarlyǧymen 2025 jyl Jūmysşy mamandyqtar jyly dep jariialandy. Osyǧan orai Abai oblysynda 300-ge juyq ıs-şarany qamtityn aimaqtyq jospar bekıtıldı. Ol biylǧy jyldy eŋbek pen käsıp merekesı retınde belgılep, oblystyŋ barlyq qalalary men audandaryn qamtymaq. Abai oblysynda barlyǧy 33 kolledj bar, onda 21 myŋnan astam student bılım aluda. 2024-2025 jaŋa oqu jylynda oquǧa qabyldanǧandar sany 5 900 adamdy qūrasa, olardyŋ 2 000-y jūmysşy mamandyqty taŋdaǧan. Bügınde oblystaǧy 21 kolledjde 5 444 student jūmysşy mamandyǧy boiynşa bılım aluda.
Oqytudyŋ tanymal baǧyttaryna mynalar jatady: elektr jäne gaz dänekerleuşılerı, elektrşı, santehnikter, qūrylysşylar, aspazdar, tıgınşıler, şaştarazdar, sonymen qatar sifrlyq tehnologiialar salasyndaǧy mamandar. Būl mamandyqtarǧa qyzyǧuşylyq jyl saiyn artyp, jūmysşylarǧa degen sūranystyŋ rastaidy.
Oblystaǧy 31 kolledjde studentterge käsıporyndarda teoriiany praktikamen ūştastyruǧa mümkındık beretın dualdy oqytu jüiesı engızılgen. Osy jüie aiasynda 70 mamandyqta 3 060 student bılım aluda. Sondai-aq 20 kolledj 22 käsıporynmen memorandumǧa otyrdy, sonyŋ arqasynda 4 200 student jūmys beruşılerdıŋ demeuşılıgımen oquǧa mümkındık aldy.
Biyldyŋ özınde oblystaǧy kolledjderde slesarlar, tokarlar, elektrşıler men merchendaizerlerdı qosa alǧanda, jaŋa mamandyqtar aşu josparlanuda.
Bügınde joǧary synyp oquşylaryna arnalǧan bılım beru baǧdarlamalary pilottyq rejimde jüzege asyryluda. Jalpy bılım beretın mektepterdıŋ 10-11 synyp oquşylary bır mezgılde kolledj diplomyn ala alady. Ötken oqu jylynda jobaǧa ekı oqu orny qosyldy: Joǧary geodeziia, kartografiia jäne qūrylys kolledjı men Biznes jäne servis kolledjı. 2024-2025 jyldary Kölık kolledjı men Besqaraǧai kolledjınde eksperimenttık toptar aşyldy.
Sonymen qatar, Abai oblysyndaǧy kolledj studentterı WorldSkills chempionattarynda dästürlı türde jetekşı oryndardy ielenedı. Oblys qūramasy ekı jyl qatarynan el bırınşılıgınde üzdık bolyp keledı.
Ūqsas jaŋalyqtar
