Özbekstan 2027 jyldan bastap polietilen paketterdı öndıru, importtau jäne qoldanuǧa tolyq tyiym saludy közdep otyr, dep habarlaidy "Adyrna" ūlttyq portaly.
Būl şara eldegı plastikpen lastanudy azaituǧa arnalǧan ūlttyq baǧdarlamanyŋ aiasynda jüzege asyrylady.
2025-2027 jyldarǧa arnalǧan ūlttyq baǧdarlama jobasynda ekologiialyq qauıpsız, bioydyraityn paketterdı qoldanudy yntalandyru qarastyrylǧan. Sonymen qatar, plastik qūramyndaǧy ziiandy himiialyq zattardy şekteu jäne qaita öŋdelgen plastiktı paidalanu mındettemelerı engızılmek.
Prezident jarlyǧynyŋ jobasyna säikes, 2025 jyldyŋ qaraşasyna deiın plastik qaptamadaǧy önımderdı öndıruşıler men importtauşylarǧa talaptar qoiylmaq. Naqtyraq aitqanda, plastik qaptamany qaita qabyldau jüiesın ūiymdastyru, plastiktı jinau jäne qaita öŋdeu üşın arnaiy punktter qūru jäne plastik qaptama üşın utilizasiialyq alym engızu közdeledı.
Älem boiynşa qazırdıŋ özınde 100-den astam memleket polietilen paketterdı qoldanuǧa şekteu engızgen. Özbekstandaǧy būl bastama Qyrǧyzstannyŋ 2027 jylǧa josparlanǧan polimer paketter men plastik būiymdarǧa tyiym salu şaralarymen qatar jüzege aspaq.
Ūqsas jaŋalyqtar
