Qaraǧandy oblysynda «Taza Qazaqstan» ekologiialyq baǧdarlamasyn jüzege asyru jalǧasuda. Qysqy uaqytta ormanşylar men aŋşylyq şaruaşylyǧynyŋ mamandary jabaiy januarlardy ǧana emes, qūstardy da qorektendırumen ainalysady. Baǧdarlama aiasynda suyq aua raiy bastalǧannan berı qūstarǧa arnalǧan şamamen 200 ūia men jemsalǧyş ornatyldy. Olar tek orman alqaptarynda ǧana emes, qalalyq aumaqtarda da ornatyluda.
Tabiǧi resurstar jäne tabiǧatty paidalanu basqarmasynyŋ ormanşylary jemsalǧyştar men ūialardy qolda bar materialdardan jasaidy. Qys boiy qūstarǧa arnalǧan jemsalǧyştarda azyqtyŋ jetkılıktı boluyn qadaǧalaidy.
Bügın Kirzovod zauyty audanynyŋ aǧaşty alqabynda 10-nan astam qūs ūiasy ornatyldy.
– Qysta qūstar bızdıŋ kömegımızge öte mūqtaj, öitkenı aiazdy künderı men qar qalyŋ bolǧanda, olarǧa özdıgınen azyq tabu qiynǧa soǧady. Sondyqtan men oblys tūrǧyndaryn bei-jai qalmauǧa, mümkındıgınşe jemsalǧyştar men qūs ūialaryn jasap, olardy qala aumaǧynda ornalastyruǧa şaqyramyn. Alaida, qūstardy azyqtandyru kezınde belgılı bır erejelerdı saqtau qajet. Qūstardy tūzdy, quyrylǧan, būryştalǧan taǧamdarmen, sondai-aq toqaştarmen, jaŋa pısken aq nanmen, qara nanmen nemese badammen qorektendıruge bolmaidy, – deidı Qaraǧandy oblystyq orman jäne januarlar älemın qorǧau şaruaşylyǧynyŋ aŋşysy Aleksandr Moskalenko.
2024 jyldyŋ mausym aiynan bastap bügıngı künge deiın Qaraǧandy oblysynda ekologiialyq «Taza Qazaqstan» aksiiasynyŋ aiasynda jetı ırı jäne auqymdy ıs-şara ūiymdastyrylyp, sättı ötkızıldı. Oǧan seminarlar, treningter, aqparattyq aksiialar, forumdar jäne mädeni-baǧdarlamalyq ıs-şaralar kırdı. Būl ıs-şaralar ekologiialyq sauattylyqty arttyruǧa, ekologiialyq mädeniettı damytuǧa jäne azamattardy qorşaǧan ortany jaqsartu boiynşa belsendı ıs-äreketterge tartuǧa baǧyttalǧan keŋ auqymdy mäselelerdı qamtydy.
