Reseidıŋ Tergeu komitetı Qazaqstan aumaǧynda 39 adamnyŋ qaza boluyna jäne 28 adamnyŋ densaulyǧyna ziian keltırgen «Äzerbaijan äue jelılerı» äue kompaniiasynyŋ Embraer-E190 ūşaǧynyŋ apatyna bailanysty tergeu amaldaryn jalǧastyryp jatyr, dep habarlaidy “Adyrna” ūlttyq portaly.
Būl turaly RF Tergeu komitetınıŋ resmi ökılı mälımdedı.
«Reseidıŋ Tergeu komitetı 2024 jylǧy 25 jeltoqsanda Qazaqstan Respublikasynyŋ aumaǧynda 39 adamnyŋ qaza boluyna jäne 28 adamnyŋ densaulyǧyna ziian keltırıluıne (RF QK 263-baby) äkelgen «Äzerbaijan äue jelılerı» äue kompaniiasynyŋ Embraer-E190 ūşaǧynyŋ apatqa ūşyrauy boiynşa qylmystyq ıstı tergeu amaldaryn jalǧastyryp otyr», – delıngen mälımdemede.
RF Tergeu komitetınıŋ habarlauynşa, dispetcherlık qyzmet, äue qozǧalysyn ūiymdastyru jüiesı jäne äue şabuylyna qarsy qorǧanys jüiesı lauazymdy tūlǧalarynyŋ äreketın baǧalau üşın keşendı ūiymdastyru-tehnikalyq sot-medisinalyq saraptama komissiiasy taǧaiyndalǧan.
Memleketaralyq aviasiia komitetı, Äzerbaijan men Qazaqstan qūzyrly organdarymen bırlesken tergeu jūmystary jürıp jatyr.
«Memleketaralyq aviasiia komitetınıŋ mamandarymen bırlese otyryp, Braziliianyŋ aviasiialyq oqiǧalardy tergeu jäne aldyn alu ortalyǧynda (SENIPA) ūşaqtyŋ özdıgınen jazǧyş qūralyndaǧy derekter zerttelu üstınde», – delıngen resmi habarlamada.
Sondai-aq Groznyi, Mahachkala jäne Mineralnye vody dispetcherlerı men ūşaq komandirı arasyndaǧy äŋgımeler taldanyp jatyr. Äue kemesınıŋ jüielerı men zattai aiǧaqtardy zertteu jūmystary jalǧasuda.
Tergeu komitetı oqiǧa sebepterıne qatysty barlyq yqtimal nūsqalardy qarastyryp jatqanyn atap öttı.
Eske salsaq, 2024 jylǧy 25 jeltoqsanda Aqtau qalasy maŋynda Baku-Groznyi reisın oryndaǧan AZAL-ǧa tiesılı jolauşylar ūşaǧy apatqa ūşyraǧan edı. Bortta bolǧan 67 adamnyŋ 39-y qaza tauyp, 28-ı aman qaldy.
Ūqsas jaŋalyqtar
