Äuejaida reisınen keşıkken qyz FlyArystan äuekompaniiasy qyzmetkerıne qol kötergenı anyqtaldy, dep habarlaidy "Adyrna" ūlttyq portaly.
Oqiǧa 14 qaŋtarda bolǧan.
Kompaniianyŋ baspasöz qyzmetı oqiǧaǧa qatysty tüsınıkteme berdı.
2025 jyldyŋ 14 qaŋtarynda Almaty – Astana baǧyty boiynşa FS 7057 reisınıŋ jolauşysy Almaty halyqaralyq äuejaiynda FlyArystan qyzmetkerıne şabuyl jasaǧan. Endı jolauşy kompaniianyŋ «qara tızımıne» enetını aityldy.
«Jolauşy reis uaqytynan 30 minut būryn tırkeu baǧanyna kelıp, reiske tırkelgenın rastaǧannan keiın, tekseru aimaǧyna baǧyttaldy. Alaida jetkılıksız uaqyt qaluyna bailanysty jolauşy reiske otyrǧyzuǧa ülgermei qalǧan. Osy rette, reiske otyrǧyzu ūşu uaqytyna 30 minut qalǧanda bastalatynyn jäne osy uaqytta barlyq jolauşylardyŋ geitte boluy qajet ekenın eske salamyz. Osydan keiın jolauşy tırkeu aimaǧyna qaita oralyp, tekseru aimaǧyna baǧyt körsetken qyzmetkerge qatysty agressivtı mınez-qūlyq körsete bastady. Oqiǧa barysynda ol qyzmetkerdıŋ jeke mobildı telefonyn laqtyryp, betı men ışıne soqqy jasady jäne sözben qorqytudy jalǧastyrdy. Būl agressiialyq äreket beinekameralarda jäne kuägerlerdıŋ mälımdemesımen rastalǧan», - delıngen habarlamada.
Ūqsas jaŋalyqtar
