QR Premer-ministrı Oljas Bektenov äkımdıkterge kömırtegın azaitu boiynşa jobalarǧa qoldau bıldırudı tapsyrdy. Ol «Atameken» Ūlttyq käsıpkerler palatasynyŋ jobalaryn mysal retınde atap öttı.
Bügıngı Ükımet otyrysynda «Taza Qazaqstan» ekologiialyq aksiiasynyŋ ıske asyrylu barysy talqylandy.
«Atameken» ŪKP Basqarma töraǧasy Raiymbek Batalov şaraǧa elımızdıŋ tükpır-tükpırınen 164 myŋnan astam käsıpker qatysqanyn aitty. Olardyŋ 4 myŋǧa juyǧy ırı biznes, al 160 myŋnan astamy şaǧyn jäne orta biznestı qūrady. Şaraǧa qatysuşylar ekologiialyq tepe-teŋdıktı qalpyna keltırıp, aulalardy, eldı mekender men qalalardy tazalauǧa belsene qatysty.
2024 jyldyŋ säuırı men tamyzy aralyǧynda käsıpkerler 189 myŋ tonnadan astam qoqys jinady, būl keltırılgen zalaldyŋ mölşerın, biznestıŋ äleumettık jauapkerşılıgınıŋ joǧary därejesın körsettı.
Qaraşa aiynda ötken «Adal azamat. Adal eŋbek. Adal biznes» atty Palata forumynda ekologiiany qorǧap, ESG-täjıribelerın engızuge eleulı üles qosqan käsıpkerlerge «Adal azamat» syilyǧy tabystaldy.
«Käsıpkerler su tasqynynan keiın qalpyna keltıru jūmystaryna belsene qatysyp, aumaq, saiabaqtardy, skverler men auyldardy kögaldandyrudy jalǧastyruda», - dedı Batalov.
Sonymen qatar, biznes-qauymdastyq ökılı qaraşa aiynda Palata qabyrǧasynda parniktık gazdar şyǧaryndylaryn satyp alu turaly kelısımge qol qoiu räsımı ötkenın de eske saldy.
Emission Removal purchase Agreement (ERPA) Almaty oblysynda ıske asyrylyp jatqan Qazaqstandaǧy alǧaşqy orman-klimattyq joba.
QR Premer-ministrı Oljas Bektenov ekologiia üşın de, biznes üşın de özara tiımdı bastamaǧa qoldau bıldırdı.
«Almaty oblysyndaǧy joba nazar audararlyq ärı barlyq qoldauǧa laiyqty. Osyndai jobalardy özge öŋırlerde de jüzege asyru qajet. Atalmyş jobaǧa men barlyq äkımdıktıŋ nazaryn audarudy sūraimyn»,- dedı Premer-Ministr.
Esterıŋızge sala keteiık, SEFE jäne SAFC bırlestıkterı şeteldık investisiialardy tartu üşın keŋ mümkındıkter aşuda.
Oŋ ekologiialyq äserden bölek, jobanyŋ qyzmetı jergılıktı äleumettık jäne ekonomikalyq ortaǧa äser etıp, audan tūrǧyndaryn jūmysqa ornalastyru jäne oqytu mümkındıkterın tuǧyzady. Qysqaru boljamyna säikes, 30 jylda 1,2 mln tonna SO2ekv, 1 jylda 1 gektarǧa 26 tonna SO2ekv joiylady.
Joba boiynşa serıktes retınde britandyq SEFE kompaniiasy kürdelı salymdardan basqa jobany äzırleu, baqylau, senımdılıktı tekseru, sondai-aq marketingtık qyzmetterdı ūsynady.
Qol qoiylǧan kelısım ekologiialyq bastamalardy ıske asyruǧa baǧyttalǧan halyqaralyq yntymaqtastyqty damytudaǧy maŋyzdy qadam boldy. Osy kelısım aiasynda QR Premer-ministrı Oljas Bektenovpen kezdesu ötıp, onda pilottyq orman-klimattyq jobany ıske asyru ülgısı qaraldy.
Sol kezde Ükımet basşysy Oljas Bektenov orman el üşın basym baǧyt bolyp tabylatynyn atap öttı. Ol ekojüielerdı qalpyna keltıruge, kömırtegın azaituǧa jäne jasyl ekonomikany damytuǧa bailanysty jobalarǧa şeteldık investisiialardy tartu üşın jaǧdai jasauǧa ūmtylatynyn atap öttı.
Bügınde barlyq qajettı proseduralar sättı aiaqtalyp, alǧaşqy offteik-kelısımşartqa qol qoiyldy. Būl kömırtegı şaruaşylyǧy salasyndaǧy öz bastamalaryn jüzege asyru üşın jinaqtalǧan täjıribenı paidalana alatyn basqa qatysuşylarǧa mümkındıkter aşatyn maŋyzdy qadam boldy.
Mūndai jobalardy ıske asyru Qazaqstan ekonomikasyn ärtaraptandyrudyŋ jaŋa kezeŋın bıldıredı. Agro-industriialyq aimaqtar şeŋberınde kömırtektı egınşılık tehnologiialary engızılude. Būl auylşaruaşylyq öndırısınen paida tabuǧa, sonymen qatar parniktık gazdar şyǧaryndylarynyŋ saudasynan qarajat tabuǧa mümkındık beredı.
Ūqsas jaŋalyqtar
