Almaty-Şymkent reisınen äuejaida tükırgen Qytai azamaty şyǧaryldy. Būl turaly Kölıktegı polisiia departamentınıŋ baspasöz qyzmetı jariialady, dep habarlaidy “Adyrna” ūlttyq portaly.
«Almaty qalasy äuejaiynda jelılık polisiia bölımınıŋ qyzmetkerlerı Almaty – Şymkent reisımen ūşqaly jatqan 34 jastaǧy Qytai azamatyn ūstady. Tekseru barysynda anyqtalǧandai, būl azamat kütu zalynda otyrǧanda qoǧamdyq orynǧa tükırıp, adamdarǧa degen qūrmetsızdık tanytyp, jalpy paidalanuǧa arnalǧan oryndy lastady. Qūqyq būzuşy qoǧamdyq oryndardy lastaǧany üşın 5 MRP (19 660 teŋge) kölemınde aiyppūl salynyp, reisten tüsırıldı», – delıngen habarlamada.
Qūqyq qorǧau organdary biylǧy jyldyŋ basynan berı kölıktegı polisiia departamentı türlı äkımşılık qūqyq būzuşylyq jasaǧan 5249 tūlǧany jauapqa tartqanyn, sonyŋ ışınde qoǧamdyq oryndardy lastaǧan 499 adam bolǧanyn eske saldy.
