Qazırgı taŋda elımızde köpbalaly jäne äleumettık tūrǧydan az qamtylǧan otbasylardy baspanamen qamtamasyz etu öte özektı mäsele bolyp otyr. Osy baǧytta elımızdıŋ är aimaǧynda halyqty baspanamen qamtamasyz etu jolynda jūmystar jasalyp jatyr.
Mysaly Jambyl oblysy äkımdıgı tūrǧyndardy baspanamen qamtamasyz etu jolynda auqymdy jūmys atqaruda. Naqtyraq aitsaq, jambyldyqtardyŋ «Baqytty otbasy» jäne «7-20-25» baǧdarlamasy boiynşa baspanaly boluyna mümkındık artady. Oblystyq qūrylys basqarmasynyŋ basşysy Jaiyqbai Şaldarovtyŋ aituynşa, tyŋ bastama qazan aiynan bastap qolǧa alynady. Qazır kömektıŋ qandai sanattaǧy azamattarǧa berıletındıgı bekıtılıp jatyr.
Tūrǧyn üi sertifikattary äleumettık kömek retınde qaitarymsyz jäne äleumettık qoldau retınde iaǧni qaitarymdy biudjettık kredit retınde berılmek. Sertifikat mölşerı bastapqy jarnanyŋ bır bölıgı retınde 1 million teŋgege deiıngı qarjyny qūramaq. Būl baǧytta aǧymdaǧy jyly 3,2 milliard teŋge qarastyrylyp jatyr. Sertifikat tek jaŋa üige ǧana berıledı. Eger är adam basyna tabysy 42 myŋnan asyp ketetın bolsa, ol sertifikat äleumettık qoldau retınde qaitarymdy bolyp berıledı. Al eger qarajat adam basyna şaqqanda jetpeitın bolsa, ol äleumettık kömek retınde qaitarymsyz berıledı. Jalpy öŋırde biyl 465 myŋ şarşy metrden astam tūrǧyn üi salu josparlanǧan. Qazırgı taŋda 26 nysannyŋ qūrylysy qarqyndy jürıp jatyr. Onyŋ 21-ı – memlekettık baǧdarlamalar arqyly jeŋıldetılgen nesiemen berıletın üiler. Qazırdıŋ özınde 800-ge juyq päter daiyn tūr. Jyl soŋyna deiın taǧy 740 päterlı 12 üidı tapsyru közdelıp otyr», – deidı Jaiyqbai Şaldarov.
Basqarma basşysy būl oraida sertifikat «Baqytty otbasy» jäne «7-20-25» baǧdarlamalary arqyly jüzege asatynyn aityp, olar boiynşa da belgılengen sanattardyŋ bar ekenın tılge tiek ettı. Aitalyq, «Baqytty otbasy» baǧdarlamasy boiynşa mügedek balalary bar nemese olardy tärbieleuşi, «Altyn alqa», «Kümıs alqamen» nagradtalǧan nemese būryn «Batyr ana» ataǧyn alǧan, sondai-aq I jäne II därejelı «Ana daŋqy» ordenderımen nagradtalǧan köpbalaly analar, köpbalaly jäne tolyq emes otbasylar atalmyş jeŋıldıkke qol jetkızbek.
Al, «7-20-25» baǧdarlamasy aiasynda tūrǧyn üi sertifikattary densaulyq saqtau, bılım beru, mädeniet, sport salalaryndaǧy jäne özge de basym salalardaǧy qajettı, tapşy mamandarǧa ülestırılmek.
Aita keteiık, salalardaǧy qajettı mamandar QR Eŋbek jäne halyqty äleumettık qorǧau ministrınıŋ būiryǧymen bekıtılgen.
«ADYRNA»
ūlttyq portaly
