Kölık ministrlıgı qala arasynda jolauşy tasymaldaityn aeromobilderdı ıske qosudy josparlap otyr. Būl turaly kölık ministrı Marat Qarabaev mälımdedı, dep habarlaidy “Adyrna” ūlttyq portaly.
Ministrdıŋ aituynşa, byltyr ministrlık ökılderı Oŋtüstık Koreiada jolauşylardy Almaty äuejaiynan Alatau qalasyna deiın aeromobilmen tasymaldau mäselesın talqylaǧan.
«Aeromobil – būl özındık şaǧyn tıkūşaq, sutek negızınde jūmys ısteidı, bes adamǧa deiın syiady. Būl tehnologiiany qazır Oŋtüstık Koreia jäne Amerika kompaniialary öte jaqsy damytyp jatyr. Qazaqstandyq kompaniialardyŋ bırı elımızde aeromobil salasyn damytuǧa qyzyǧuşylyq tanytty. Bız osy mäselenı tereŋırek zerttep jatyrmyz. Qazır aeromobildı elımızde pilottyq joba retınde qoldanu mäselesın pysyqtap jatyrmyz», - dedı Qarabaev Ükımet otyrysynda.
Ministr bırınşı kezeŋ aeromobil Almatydan Alatau qalasyna deiın jolauşy tasymaldaitynyn aitty. Pilottyq joba 2026 jyldyŋ alǧaşqy jartyjyldyǧynda ıske qosylmaq.
Ūqsas jaŋalyqtar
