AQŞ-tyŋ prezidentı Donald Tramp İzrail premer-ministrı Biniamin Netaniahumen bırge Vaşingtonda ötken baspasöz mäslihatynda AQŞ-tyŋ Gaza sektoryna ornalasuǧa jäne ol jerdıŋ ekonomikasyn damytuǧa daiyn ekenın aitty, dep habarlaidy "Adyrna" ūlttyq portaly BBC News-qa sılteme jasap.
«Bız Gaza sektoryn baqylauǧa alamyz jäne onda qauıptı jarylmaǧan bombalar men basqa da qarulardy zalalsyzdandyryp, jerdı tegısteimız, qirandylardan tazartamyz. Sonymen qatar, öŋırde ekonomikalyq damu men şeksız jūmys oryndaryn jäne tūrǧyn üiler saludy qamtamasyz etemız», – dedı Tramp.
Gaza sektoryn ol «joiyluǧa tiıs aimaq» dep atady.
Netaniahumen kezdesu aldynda Tramp Gaza tūrǧyndaryn Taiau Şyǧystaǧy basqa aimaqtarǧa köşıru turaly ūsynys jasady. Ol būl prosestı qarjylandyrudy öŋırdegı memleketter öz moinyna aluy mümkın ekenın aitty. Onyŋ pıkırınşe, palestinalyqtardy Egipet nemese İordaniia aumaǧyna köşıruge bolady.
«Palestinalyqtar Gazada basqa amaldary bolmaǧandyqtan tūryp jatyr. Qazır būl tek üiındılerden tūratyn aimaq», – dedı Tramp.
Ol AQŞ-tyŋ Gaza sektoryn «ūzaq merzımge ielenuın» közdep otyrǧanyn jäne būl aimaqqa tūraqtylyq äkeluı mümkın ekenın aitty.
Netaniahu Tramptyŋ būl ideiasyn nazar audaruǧa tūrarlyq dep baǧalady.
«İzraildıŋ basty maqsaty – Gaza aimaǧynyŋ bızdıŋ el üşın qauıp töndırmeuın qamtamasyz etu. Al Tramp Gaza üşın basqa bolaşaqty körıp otyr», – dedı Netaniahu.
Ol AQŞ-tyŋ qoldauyna alǧys aityp, Trampty «Aq üidegı İzraildıŋ eŋ ülken dosy» dep atady.
