Juyrda Jambyl oblysy äkımı Asqar Myrzahmetov Ükımetke arnaiy ūsynyspen şyǧyp, ol qoldau tapqan bolatyn. Auyl tūrǧyndarynyŋ tūrmysyn jaqsartuǧa baǧyttalǧan pilottyq jobany ıske asyru boiynşa qyzu jūmys bastaldy.
Joba boiynşa oblystyŋ är audanynan bır-bır auyldyq okrug taŋdalǧan bolatyn. Onda atalmyş auqymdy joba alǧaşqy kezeŋ negızınde pilottyq rejimde jüzege aspaq. Osyǧan orai oblys äkımı Asqar Myrzahmetovtyŋ özı audandarǧa ıs-saparǧa şyǧyp, atalmyş on auyldyq okrugterge arnaiy barudy bastady. Ondaǧy maqsat - tūrǧyndarmen tıkelei jüzdesıp, atqarylar jobalardyŋ barysyn barlau.
Aimaq basşysy äuelı Jambyl audanyndaǧy Besaǧaş auyldyq okrugıne baryp, jergılıktı tūrǧyndarmen kezdestı. Erkın formatta ötken jiynda auyldyqtar özderınıŋ közdep otyrǧan josparlarymen bölıstı.
«Aşyǧyn aitu kerek, bügınde auyldardaǧy jeke qosalqy şaruaşylyq jerlerın ūtymdy ūqsatu oidaǧydai emes. Ony tiımdı tabys közıne ainaldyru – tūrǧyndardyŋ tıkelei özıne bailanysty bolyp otyr. Al, joba aiasynda jergılıktı halyqqa qoldau mümkındıgı retınde 2,5 paiyzben nesie berılmek», – dedı oblys äkımı.
Kezdesude äkım osyny basa aityp, kökeidegı köp saualdarǧa naqty jauaptar berıp, tüitkıldı jaittardy jan-jaqty tüsındırdı.
Besaǧaş auyldyq okrugıne Besaǧaş jäne Türksıb eldımekenderı qaraidy. Onda barlyǧy 1 336 aula ielerı jäne 10 köpqabatty tūrǧyn üide tūratyn 160 otbasy bar. Jalpy halyq sany - 6 820 adam. Okrugtegı 1176 aulada jeke qosalqy şaruaşylyǧy bar desek, Ondaǧy üi ırgesındegı jer kölemı 154,9 gektardy qūraidy. Onyŋ sumen qamtylǧany 771 aula (104,5 ga), paidalanbai jatqany 405 aula (50,4 ga).
Bügınge deiın jobanyŋ bırınşı baǧyty boiynşa osy okrugten 1176 aula ötınım berıp ülgergen. Al, mal şaruaşylyǧy boiynşa 128 aula ielerınen tiımdı nesiege degen sūranys tüsken. Basqa da qalǧan üş baǧyt aiasynda da qyzu jūmystar jürgızılude.
Auyl şaruaşylyǧy salasynan basqa, pilottyq okrugta jalpy şaǧyn käsıp boiynşa 30 millionnan astam teŋgenıŋ 14 jobasy ūsynylyp otyr. Onyŋ ışınde: şaştaraz, monşa, tıgın sehy jäne taǧy basqa da jobalar bar. Al, tūrǧyndardyŋ äleumettık-tūrmysyn jaqsartuǧa barlyǧy pilottyq okrug boiynşa 131 jobaǧa sūranys bıldırılgen.
Jiynnan soŋ auyl tūrǧyndarynyŋ bau-baqşalarymen tanysqan aimaq basşysy Besaǧaş auyly Bekeev köşesınde ornalasqan Murat Baianbaevtyŋ jylyjaiynyŋ jūmysyn barlady. Aumaǧy 0,7 gektardy qūraityn jylyjaidan jylyna ekı ret önım alynsa, taza tabysy 300 myŋ teŋgege ainaluda. Asqar İsabekūly joba aiasynda jylyjaidyŋ jūmysyn jandandyryp, önım kölemın arttyru qajettıgın basa aitty. Sondai-aq, üi ırgesındegı jerın tiımdı igerıp otyrǧan jylyjai iesın özgelerge ülgı retınde ūsynudyn maŋyzdylyǧyna toqtaldy.
«ADYRNA»
ūlttyq portaly
