Jetısu oblysynda «Taza Qazaqstan» baǧdarlamasy aiasynda qaiyrymdylyq ıs-şarasy öttı

5 aqpanda Taldyqorǧan qalasynda «Taza Qazaqstan» baǧdarlamasy aiasynda jalǧyzbasty jäne qart adamdarǧa kömek körsetu maqsatynda qaiyrymdylyq aksiiasy ötkızıldı. Aksiia barysynda aulalardy, üi kıreberısterın, jüretın joldardy qardan tazalau jūmystary atqaryldy. Şaraǧa studentter men jastardan qūralǧan erıktıler atsalysty. «Meiırımdı-Jetısu» volonterlık front-ofisınıŋ jetekşısı Şyrai Samatqyzy : «Taza Qazaqstan» aksiiasy aiasynda senbılık ūiymdastyrylyp, qart kısılerdıŋ jürıp-tūruyn jeŋıldetu üşın aulany tolyqtai qardan tazarttyq. Būl igı ıs - ardagerlerge qoldau bıldırudıŋ bır körınısı. Qarttar öz kezegınde erıktılerge alǧysyn jetkızıp, osyndai qamqorlyq qoǧamdaǧy meiırımdılıktı arttyratynyn aitty», - deidı. Kömek alǧan zeinetkerdıŋ bırı Gvozdikova Sofiia Faizrahmanovna: «Men üşın būl - ülken kömek. Aula tazalau maǧan oŋai emes, bügın erıktıler kelıp, barlyǧyn retke keltırdı. Osyndai igı ıster köp bolsyn!», - dedı rizaşylyǧyn bıldırıp. Jetısu oblysynda «Taza Qazaqstan» baǧdarlamasy aiasynda 2024 jyldyŋ 8 säuırınen bastap barlyq josparlanǧan ıs-şaralar belsendı ötkızıldı, jalpy senbılıkter men ekoaksiialarǧa 252 myŋnan astam adam qatysty. Osy auqymdy ekojobany ıske asyru bastalǧannan berı oblys boiynşa jalpy 2 322 bırlık tehnika jūmyldyryldy, 12 822 tonna qoqys şyǧaryldy, 193 saiabaq pen skverdı, 721 tarihi-mädeni eskertkıştı tazartu jūmystary jürgızıldı jäne 56 myŋnan astam qylqan japyraqty jäne qatty aǧaş köşetterı otyrǧyzyldy. «Taza Qazaqstan» respublikalyq ekologiialyq baǧdarlamasy Jetısu oblysynda belsendı türde ūiymdastyrylyp, tūrǧyndar tarapynan zor qoldauǧa ie boldy. Jetısu oblysynyŋ qoǧamdyq damu basqarmasynyŋ mälımet boiynşa