İlon Mask ideiasyna ūqsas ūsynys. Ministr Jūmanǧarin biudjettı oŋtailandyruǧa qatysty pıkır bıldırdı

Premer-ministrdıŋ orynbasary – ūlttyq ekonomika ministrı Serık Jūmanǧarin Qazaqstan ükımetıne memlekettık biudjettı oŋtailandyruda İlon Masktyŋ ideiasyna ūqsas ūsynystyŋ aitylǧanyn mälımdedı, dep habarlaidy "Adyrna" ūlttyq portaly QazTAG-qa sıltep. Ministrdıŋ aituynşa, būl ūsynys Tramp äkımşılıgınıŋ täjıribesıne süiene otyryp jasalǧan. "Maǧan prezident Tramp äkımşılıgınde İlon Mask myrza jürgızıp jatqan jūmys siiaqty ideia ūsynylǧanyn jasyrmaimyn. Ol jaqta memlekettık basqaru tiımdılıgı departamentı bar. [Qazaqstan azamaty] öz qyzmetın ūsyndy, ideialary baryn aitty. Men ony şaqyrdym, "kel, bırge jūmys ısteiık, jūmys tobyn qūraiyq" dep aittym”, – dedı Jūmanǧarin beisenbı künı senattyŋ kuluarynda. Sonymen qatar, ministr jaŋa Salyq kodeksıne säikes, ırı bizneske arnalǧan jeŋıldıkterdıŋ qysqartylatynyn atap öttı. 2025 jylǧy respublikalyq biudjet bastapqyda 32 trillion teŋge kölemınde josparlanǧan, bıraq qazırgı uaqytta 25,7 trillion teŋgege deiın qysqartylǧan. "Biudjettı bekıtu barysynda 6 trillion teŋge qysqartyldy. Äkımşılık biudjettık baǧdarlamalar arqyly 400 milliard teŋge ünemdeldı. Qazır bız äleumettık şyǧyndardy mūqiiat taldaudamyz, sebebı respublikalyq biudjet boiynşa onyŋ ülesı – 37,5%, al jalpy biudjette 50%-ǧa jetedı", – dep tüsındırdı Jūmanǧarin.