Memleket basşysy Qasym-Jomart Toqaev otandyq biznes ökılderımen kezdesude Ükımetke qosymşa qūn salyǧy mäselesın taǧy da pysyqtaudy tapsyrdy. Būl turaly Aqorda jariialady, dep habarlaidy “Adyrna” ūlttyq portaly.
Memleket basşysynyŋ sözınşe, kez kelgen reformany jan-jaqty saraptap, baiyppen jürgızgen jön. Ekonomika salalarynyŋ erekşelıkterın eskere otyryp, türlı nūsqalardy äzırleu kerek.
"Qosymşa qūn salyǧyna qatysty būǧan deiın közqarasymdy bıldırmegen edım. Öitkenı qyzmettık därejeme säikes, menıŋ ärbır sözım, pıkırım qataŋ tapsyrma siiaqty qabyldanady. Soǧan qaramastan būl mäsele boiynşa oiymdy jetkızgım keledı. Qalai desek te, qosymşa qūn salyǧynyŋ mölşerlemesı saralanyp belgılenuge tiıs”, dedı Qasym-Jomart Toqaev.
Ükımet tüpkılıktı şeşımdı bılıktı sarapşylardyŋ, qaitalap aitamyn, bılıktı sarapşylar men käsıpkerlerdıŋ, älbette deputattardyŋ pıkırıne qūlaq asa otyryp, naqty esepteuler negızınde qabyldaǧany dūrys,- dep tapsyrma berdı prezident.
"Bır anyǧy, Ükımettıŋ qazırgı ūsynyp otyrǧan mölşerlemesı tym joǧary. Sızder naqty sifrdy aittyŋyzdar. Ony qoǧam qyzu talqylady. Tıptı, kei jaǧdaida artyq sözder de aityldy. Degenmen, būl qoǧam talqysyna aldyn ala salynǧan ūsynys bolatyn. Taǧy qaitalap aitamyn, Ükımettıŋ būl baǧyttaǧy jūmysy biznes, qoǧam, käsıpkerler, sarapşylardyŋ, iaǧni barlyq taraptyŋ pıkırı eskerıle otyryp jalǧasuy kerek. Biyl naqty şeşım qabyldanuǧa tiıs. Men būǧan deiın de aittym: Ükımet būl mäselenı deputattarmen jäne sarapşylarmen egjei-tegjeilı talqylauy kerek. Bügın aitylǧan oi-pıkırler de eskerıledı. Memleketke barynşa oŋtaily şeşım qajet. Iаǧni bır jaǧynan biznes jürgızuge kedergı keltırmei, qolaily jaǧdai jasaityn, al ekınşı jaǧynan, salyqqa qatysty tärtıptı küşeitıp, biudjet kırısın arttyratyn tiımdı joldy tabuymyz qajet", – dedı Prezident.
“Ne degen simvolizm?!”: Bügın Zelenskii Toqaevqa alǧysyn, al Lavrov Tasmaǧambetovke senımın bıldırdı
