Äzerbaijan käsıpkerı ūşaq apaty qūrbandarynyŋ tuysyna Almatydan päter alyp berdı

1398
Adyrna.kz Telegram
https://adyrna.kz/content/uploads/2025/02/9dc6f616-280a-4088-90e2-40e7bdb11fbb.jpeg

7 aqpan künı Aqtau maŋyndaǧy ūşaq apatynda qaza bolǧandardy eske alu şarasy öttı. Būl ıs-şarany Qazaqstannyŋ Äzerbaijandaǧy Elşılıgı men Maŋǧystau oblysynyŋ äkımdıgı ūiymdastyrdy, dep habarlaidy “Adyrna” ūlttyq portaly.

Şaraǧa Maŋǧystau oblysynyŋ äkımı Nūrdäule Qilybai, Qazaqstannyŋ Äzerbaijandaǧy Elşısı Älım Baiel, Azerbaijannyŋ Qazaqstandaǧy Elşısı Agalar Atamoglanov, Azerbaijannyŋ Aqtaudaǧy  bas konsuly Aihan Suleimanly, qaza tapqan qazaqstandyqtardyŋ tuystary, azerbaijan diasporasynyŋ ökılderı, qūtqaru jūmystaryna qatysqan mekemelerdıŋ ökılderı jäne Aqtau qalasynyŋ tūrǧyndary qatysty. Is-şaranyŋ basynda Qūrannan aiattar oqyldy.

Maŋǧystau oblysynyŋ äkımı Nūrdäiulet Qilybai qaza bolǧandardyŋ tuystaryna köŋıl aityp, Qazaqstan Prezidentı Qasym-Jomart Toqaevtyŋ tapsyrmasymen apattyŋ saldaryn joiu jäne sebepterın anyqtau, zardap şekkenderge kömek körsetu üşın Ükımettık komissiia qūrylǧanyn atap öttı. Qazaqstannyŋ uäkılettı organdary, onyŋ ışınde Maŋǧystau oblysynyŋ äkımdıgı tragediia künderı barlyq qajettı şaralardy qabyldady. Qilybai qūtqaruşylarǧa, därıgerlerge jäne jany aşyǧan barlyq qazaqstandyqtarǧa taǧy da alǧys aitty.

Qazaqstannyŋ Äzerbaijandaǧy Elşısı Älım Baiel bügıngı taŋda Qazaqstan men Äzerbaijan arasyndaǧy qatynastar şyn mänınde odaqtastyq sipat alǧanyn atap öttı. Ol Qazaqstan men Äzerbaijannyŋ Kaspii teŋızınıŋ şyǧys jäne batys jaǧalaularynda

ornalasqanyn jäne türkı älemınde maŋyzdy oiynşylar bolyp tabylatynyn, sondai-aq Euraziialyq kölık-logistika arhitekturasynyŋ negızgı buyndary ekenın atap öttı.

Baiel Äzerbaijan prezidentı İlham Älievtıŋ sözderın eske aldy, onda ol ekı el arasyndaǧy dostyq pen bauyrlastyqtyŋ tragediiadan keiın nyǧaiǧanyn aitqan bolatyn. Osy kontekste ol Qazaqstan tarapyna Äzerbaijandyq käsıpker Ämil Iýsifovtyŋ qaza bolǧandardyŋ otbasylaryna kömek körsetu turaly ūsynysyn rizaşylyqpen qabyldaǧanyn aitty. Öz kezegınde äzerbaijandyq käsıpker Qazaqstanda tabysty biznes jürgızıp, bauyrlas halyqqa kömek körsetu öz mındetı dep atap öttı.

Şara barysynda Ämil Iýsifov qaza bolǧan qazaqstandyqtardyŋ tuystaryna Almaty qalasyndaǧy jaŋa tūrǧyn üi keşenınen 5 ekı bölmelı päterdıŋ kıltterın tapsyrdy. Päterler jihazben jäne tūrmystyq tehnikamen jabdyqtalǧan. Sonymen qatar, mesenat Maŋǧystau oblysy TJ departamentıne, Aqtau qalasynyŋ auruhanasy men jedel järdem stansiiasyna üş jaŋa kölık syilady.

Qaza bolǧandardyŋ tuystary men zardap şekkenderge kömek körsetken mekemelerdıŋ qyzmetkerlerı äzerbaijandyq käsıpkerge alǧys aitty. Oblys äkımı Maŋǧystau oblysy jūrtşylyǧy atynan alǧys bıldırıp, būl ıs-şaranyŋ qazaq-azerbaijan dostyǧynyŋ taǧy bır ülgısı bolǧanyn erekşe atap öttı.

Pıkırler