Aliaska bilıgı 6 aqpanda ştattyŋ batysynda apatqa ūşyraǧan ūşaqtyŋ qaldyqtaryn Bering teŋızınıŋ mūzynan şyǧarumen ainalysyp jatyr. Apat saldarynan borttaǧy 10 adamnyŋ bärı qaza tapty, dep habarlaidy "Adyrna" ūlttyq portaly "Amerika dausyna" sılteme jasap.
Bering Air äue kompaniiasyna tiesılı bır motorly ūşaq beisenbı künı kündız Unalaklitten Nom qalasyna baǧyt alǧan kezde joǧalyp ketken. Ūşaq ūzaq ızdeu jūmystarynan keiın kelesı künı tabyldy. Bortta bolǧan 9 jolauşy men ūşqyş qaitys boldy.
Jergılıktı, memlekettık jäne federaldyq agenttıkter keŋ kölemdı ızdestıru operasiiasyn jürgızdı. Olar mūz basqan teŋız ben tundranyŋ jüzdegen şaqyrymyn tekserıp, ūşaqtyŋ ornyn anyqtady. Senbı künı qūtqaruşylar qaldyqtardy jäne qaza bolǧandardyŋ denelerın şyǧara bastaǧanymen, küştı jel men qarly boran jūmysty toqtatuǧa mäjbürledı.
Ūlttyq kölık qauıpsızdıgı keŋesı apattyŋ sebebın anyqtau üşın ärtürlı ştattardan sarapşylar jıberdı. AQŞ Azamattyq aviasiia patrulınıŋ radar derekterı ūşaqtyŋ kenetten biıktıgı men jyldamdyǧyn joǧaltqanyn körsettı, alaida apattyŋ naqty sebebı älı belgısız.
AQŞ jaǧalau küzetınıŋ kapitan-leitenanty Bendjamin Makintair-Kobl ūşaqtyŋ apattyq dabyl belgısın jıbermegenın aitty. Eger ūşaq suǧa qūlasa, avariialyq taratqyş sputnikke belgı jıberıp, ol aqparat jaǧalau küzetıne berıluı kerek edı. Bıraq mūndai signal tırkelmegen.
Aliaskanyŋ keŋ aumaǧy men infraqūrylymynyŋ şekteulıgıne bailanysty jergılıktı tūrǧyndar üşın ūşaqpen qatynau – üirenşıktı närse. Ştattyŋ köptegen eldı mekenderı jol jelısımen bailanyspaǧan, sondyqtan adamdar negızınen ūşaqpen qatynaidy.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz