Ūlttyq statistika biurosy Qazaqstandaǧy ortaşa jäne medianalyq jalaqyny eseptedı, dep habarlaidy «Adyrna» tılşısı.
Resmi derekterge süiensek, 2024 jylǧy IV toqsanda medianalyq jalaqy 308 717 teŋge, al ortaşa nominaldy jalaqy 434 982 teŋge bolǧan.
«2023 jylǧa qaraǧanda ösım 10,5%, naqty mände – 1,8% östı»,- delıngen habarlamada.
Ortaşa ailyqtyŋ eŋ köp ösımı aqparat jäne bailanys salalarynda – 32,8%-ǧa, auyl, orman jäne balyq şaruaşylyǧynda 22,7%-ǧa, jyljymaityn mülıkpen jasalatyn operasiialarda 20,3% tırkelgen. Densaulyq saqtau jäne halyqqa äleumettık qyzmet körsetu 7,6%, bılım beru salasynda ortaşa ailyq jalaqy 5% öskenı baiqalady.
Öŋırler arasynda 2023 jylǧy tiıstı toqsanmen salystyrǧanda 2024 jylǧy IV toqsanda ortaşa ailyq jalaqynyŋ eŋ köp ösımı myna öŋırlerde tırkeldı:
Almaty men Şymkentte 13,6 paiyzǧa, Qaraǧandy oblysynda 13,2 paiyzǧa, Soltüstık Qazaqstan oblysynda 12,9 paiyzǧa, Aqtöbe oblysynda 12,6 paiyzǧa östı.Aita keteiık, būǧan deiın Qazaqstanda biudjet qyzmetkerlerınıŋ jalaqysyn köteruge üş jylǧa 32 mlrd teŋge bölu josparlanǧany belgılı bolǧan edı.
