Biyl 11 aqpan künı saiasi jäne qoǧam qairatkerı Altynbek Särsenbaevtyŋ qaza tapqanyna 19 jyl toldy. Osy qaraly datada qairatkerdıŋ «Uaqytynda aitylǧan şyndyq» jäne «Alaştyŋ Altynbegı» atty ekı tomdyq kıtabynyŋ tūsaukeserı öttı, dep habarlaidy "Adyrna" ūlttyq portaly.
Altynbek Särsenbaev – täuelsız Qazaqstan tarihyndaǧy eŋ jas ministrlerdıŋ bırı. Onyŋ közqarastary men batyl mälımdemelerı qoǧamda ülken rezonans tudyrdy. Jazuşy Marat Baidıldäūlynyŋ aituynşa, Särsenbaev sol kezdegı prezident Nūrsūltan Nazarbaevqa aşyq syn aityp, Rahat Äliev pen Dariǧa Nazarbaevanyŋ memlekettı tolyqtai basyp alu qaupın alǧaşqylardyŋ bırı bolyp kötergen. Būl üşın ol qysymǧa ūşyrap, aqyry saiasi qastandyqtyŋ qūrbanyna ainaldy.
Marqūmnyŋ aǧasy, jurnalist Rysbek Särsenbaiūly saiasatkerdıŋ halyq müddesı üşın küreskenın jäne onyŋ qazasy täuelsız el tarihyndaǧy eŋ ülken qasırettı oqiǧalardyŋ bırı bolǧanyn atap öttı.
«Altynbekke atylǧan oq – halyqqa atylǧan oq» degen ziialy qauym pıkırın keltırgen ol, eger qairatker tırı bolǧanda, elde köptegen saiasi qatelıkterge jol berılmes edı dep sanaidy.
Saiasatkerdıŋ ölımıne naqty kım jauapty ekenı älı belgısız. Alaida onyŋ jaqyndary men jaqtastary būl ıstıŋ tübınde aşylatynyna senımdı.
«Būl – saiasi terror. Bıraq şyndyqty jasyru mümkın emes. Uaqyty kelgende, kınälıler zaŋ aldynda jauap beredı», – dedı Rysbek Särsenbaiūly.
