14 aqpanǵa qaraǵan túni Chernobyl atom stanııasynyń 4-qýat blogynyń qalqanyna reseılik drondar soqqysy qulady. Bul týraly Ýkraına prezıdenti Vladımır Zelenskıı Telegram arnasynda jazdy, dep habarlaıdy “Adyrna” ulttyq portaly.
«Ótken túni Reseıdiń áskerı drony Chernobyl atom stanııasynyń apatqa ushyraǵan 4-qýat blogyndaǵy radıııadan álemdi qorǵaıtyn qalqanyna tústi», – dep málimdedi Zelenskıı.
Ýkraına tótenshe jaǵdaılar jónindegi qyzmetteriniń málimetinshe, shabýyldan stanııa blogy ornalasqan aımaqta radıaııa kórsetkishi joǵarylamaǵan.
Zelenskıı shabýyl jasalǵan ýaqytta túsirilgen vıdeolardy áleýmettik jelilerge jarııalady. Vıdeoda dron qulaǵannan keıin, stanııa órtene bastaǵany anyq kórindi.
Ýkraına tótenshe jaǵdaılar jónindegi qyzmetter jaǵdaıdy jiti baqylap otyrǵanyn, radıaııa deńgeıin únemi tekserip otyrǵanyn habarlady.
Reseı jaǵy ázirge Chernobylge jasalǵan shabýyl týraly aıyptaýlarǵa eshqandaı jaýap qatpady.
