AQSh vıe-prezıdenti Djeı Dı Vens Amerıka áskerin Ýkraınaǵa jiberý múmkindigin joqqa shyǵardy. Bul týraly ol 14 aqpan kúni áleýmettik jelide jazdy, dep habarlaıdy “Adyrna” ulttyq portaly.
“Prezıdent Tramp - álemdegi eń úlken kelisim jasaýshy jáne ol Ýkraınadaǵy soǵysty toqtatý arqyly aımaqqa beıbitshilik ákeledi. Biz árdaıym aıtqanymyzdaı, Amerıka áskerleri eshqashan amerıkalyq múddeler men qaýipsizdikke úles qospaıtyn jerlerde qaýipke ushyramaýy tıis. Bul soǵys Reseı men Ýkraına arasynda júrip jatyr», – dedi Djeı Dı Vens.
Sonymen, Vens The Wall Street Journal (WSJ) basylymynda jarııalanǵan suhbatyn joqqa shyǵardy. Onda ol eger Reseı Ýkraınamen beıbit kelisim jasaýǵa kelispese, AQSh Máskeýge qarsy jańa sankııalar engizip, tipti amerıkalyq áskerdi Ýkraınaǵa jiberýi múmkin ekendigi aıtylǵan edi. WSJ jýrnalısteri Venstiń «Reseıge qarsy ekonomıkalyq jáne áskerı yqpal etý quraldary bar» degen sózderin keltirgen.
«WSJ meniń sózderimdi osylaı burmalap jazǵany absýrd, biraq tańqalarlyq emes, óıtkeni olar jyldar boıy qajetsiz túrde amerıkalyq áskerlerdi shetelge jiberýdi qoldady», – dep jaýap berdi Vens WSJ jarııalaǵan maqalaǵda.
Amerıkalyq vıe-prezıdenttiń aıtýynsha, AQSh bıligi Vladımır Pýtındi Reseı urys dalasynan góri kelissóz ústelinde kóp nársege qol jetkize alatynyna sendirýdi kózdep otyr. Vens sondaı-aq beıbit kelissózder sátti ótken jaǵdaıda Vashıngton men Máskeý arasyndaǵy qarym-qatynas qaıta qalpyna kelýi múmkin ekenin aıtty.
Saıasatker buǵan deıin AQSh prezıdenti Donald Tramp jarııalaǵan Ýkraınadaǵy qaqtyǵystardy toqtatý týraly josparlanǵan kelisim «kóptegen adamdy tań qaldyrady» dep atap ótti. Sonymen birge ol kelissóz barysynda Tramptyń belgili bir máseleler boıynsha pikirin ózgertýi múmkin ekenin atap ótti.
Bir kún buryn Pentagon basshysy Pıt Hegset Ýkraınaǵa amerıkalyq áskerdi ornalastyrý múmkindigin joqqa shyǵardy. Ol sondaı-aq Ýkraınany 2014 jylǵy shekaraǵa qaıtarý shyndyqqa janaspaıtyn maqsat ekenin atap ótti.
