Ekıbastūzda oiyn-sauyq ortalyǧynyŋ töbesı opyrylyp tüstı

Ekıbastūzdaǧy Maxi Mall sauda-oiyn-sauyq ortalyǧynyŋ töbesı opyrylyp tüstı, dep habarlaidy "Adyrna" ūlttyq portaly. Qala äkımdıgı būl aqparatty rastady. "16 aqpan künı saǧat 18:05 şamasynda tört qabatty ǧimarattyŋ üşınşı qabatynda gipsokartonnan jasalǧan aspaly töbe qūlady. Zardap şekkender joq, oqiǧa ornynda tiıstı qyzmetter jūmys ısteude", – dep mälımdedı äkımdık. Oqiǧanyŋ videosy äleumettık jelılerde tarady. Kadrlarda ülken töbe bölıgı qūlap, ainaladaǧylardyŋ şoşynǧany baiqalady.  Videoda aiǧai-şu estılıp, adamdar jaqyndaryn ızdep jatqanyn köruge bolady. Tötenşe jaǧdailar ministrlıgı oqiǧaǧa qatysty pıkır bıldırdı. "Ekıbastūz qalasynda M.Äuezov köşesı boiyndaǧy sauda üilerınıŋ bırınde 150 ş.m. alaŋda aspaly töbenıŋ opyryluy oryn aldy. Oqiǧa ornynda şūǧyl qyzmetter jūmys ısteude. Zardap şekkender joq" - delıngen habarlamada.