Memleket basşysynyŋ tapsyrmasy boiynşa Şyǧys Qazaqstan oblysyndaǧy Būqtyrma su qoimasy arqyly ötetın eldegı eŋ ūzyn köpır ıske qosyldy. Joba öŋırdegı kölık bailanysynyŋ köpjyldyq mäselesın şeşuge baǧyttalǧan, dep habarlaidy «Adyrna» tılşısı Kölık ministrlıgıne sılteme jasap.
«Jūrt jyldar boiy jazda – parommen, qysta – mūzdyŋ üstımen jüretın. Būl öte yŋǧaisyz ärı qauıptı bolǧany tüsınıktı. Endı mäsele bırjola şeşımın tapty»,- dedı QR Prezidentı Qasym-Jomart Toqaev.
Bügıngı taŋda Kürşımdegı köpır Şyǧys Qazaqstan oblysynyŋ Kürşım, Ülken Naryn, Marqaköl, Katonqaraǧai, Tarbaǧatai jäne Zaisan audandaryn Öskemen qalasymen bailanystyra otyryp, kölık qūraldarynyŋ jyl boiy qauıpsız qozǧalysyn qamtamasyz etedı.
Alǧaşqy tört aida köpır arqyly 170 myŋǧa juyq avtomobil ötken. Iаǧni, kün saiyn 1,5 myŋǧa juyq kölık köpırdı paidalanady. Būǧan deiın aimaq tūrǧyndary 500 şaqyrymǧa deiınainalma jol jüruge mäjbür bolǧanyn aita ketken jön. Būl jol jüru uaqyty men kölık şyǧynyn edäuır arttyrdy.
Köpırdıŋ qūrylysyn Şyǧys Qazaqstan oblysyndaǧy otandyq kompaniia jüzege asyrdy. Būl öŋırdı jaŋa jūmys oryndarymen qamtamasyz ete otyryp, jergılıktı resurstardy, mamandardy tartuǧa mümkındık berdı.Joba ozyq injenerlık tehnologiialardy qoldanu arqyly jäne barlyq sapa standarttaryna säikes jüzege asyryldy.
Köpırdıŋ jalpy ūzyndyǧy - 1316 metrdı, enı - 12,2 metrdı qūraidy. Bır jaǧynda jaiau jürgınşıler jolaǧy salynǧan. Qysqy kezeŋde konstruksiiany qorǧau üşın tırekterdıŋ ärqaisysynda arnaiy mūzkeskışter ornatylǧan.
Sonymen qatar su betınen köpırge deiıngı qaşyqtyq 18 metrdı qūraidy. Būl navigasiia kezeŋınde kemelerdıŋ köpırdıŋ astynan kedergısız ötuıne mümkındık beredı.
Qauıpsızdıktı qamtamasyz etu üşın Būqtyrma su qoimasy arqyly ötetın jaŋa köpırde 102 beinebaqylau kamerasy ornatylǧan, onyŋ 62-sı köpırdıŋ joǧarǧy bölıgınde, 40-y köpır asty aimaǧynda ornalasqan. Kameralar onlain rejimde jūmys ısteidı, būl köpırdıŋ jaǧdaiyn ünemı baqylaudy qamtamasyz etedı.
Öŋır tūrǧyndary köpır su qoimasynyŋ ekı jaǧyndaǧy eldı mekender arasyndaǧy kölık qatynasy mäselesın şeşkenın aitady. Atalǧan köpır azamattardyŋ qauıpsız qozǧalysyn qamtamasyz etıp, tauar jetkızu uaqytyn jedeldettı.
