Qaŋtar oqiǧasy kezınde oq tiıp qaza tapqan Erkebūlan Sydyqbaevtyŋ äielı jol apatynan qaza tapty. Onyŋ soŋynda tört balasy qaldy, dep habarlaidy “Adyrna” ūlttyq portaly.
Erkebūlan Sydyqbaevtyŋ äielı Saia Esengeldı taksi qyzmetımen ainalysyp jürıp, jol apatynan qaza tapqan. Qaŋtar oqiǧasynan keiın, kün köru maqsatynda Saia taksi aidap jürgen. Balalaryna anasy qarasqan. Ökınışke qarai, 4 aqpan künı Almaty-Bışkek tas jolynda jol apaty bolyp 3 adam qaza tapqan edı. Sol kezde kölık ışınde Saia da bolǧan.
Jurnalist Lūqpan Ahmediarovtyŋ sözınşe, Saia balalaryn asyrau üşın baryn salǧan. Kündız kurer bolyp, tünde taksi jürgızuşısı bolǧan. Äkımdık äielge baspana alyp beruge kömektesemız dep uäde bergen. Bıraq qandai da bır sebeptermen olar päter äperuden bas tartqan.
Qaiǧyly oqiǧa ırı qūrylys saluşylardyŋ bırı – Qazaq Stroy kompaiiasyn bei jai qaldyrmady. Kompaniia ata-anasynan aiyrylǧan balalar üisız qalmauy kerek dep, audany 95 şarşy metr bolatyn üş bölmelı päter beru turaly şeşım qabyldady.
Sondai-aq, kompaniia iesı Nūrlan Artyqbaev balalarǧa kämelettık jasqa tolǧanǧa deiın ärqaisysyna ai saiyn 100 myŋ teŋge töleudı ūsyndy.
Kömek turaly jazbalardyŋ astyndaǧy pıkırlerde balalar jalǧyz qalmaǧanyn aitady. Būl taǧy da älem jaqsy adamdarsyz emes ekenın körsetedı.
