Polıııa Almaty jáne Shymkent qalalarynyń aýmaǵynda qańtar oqıǵasyna qatysýshylardy ustady, dep habarlaıdy “Adyrna” ulttyq portaly Polisia.kz saıtyna siltep.
"7 aqpanda Almaty jáne Shymkent qalalarynyń aýmaǵynda IIM uıymdasqan qylmysqa qarsy kúres bólinisteriniń qyzmetkerleri uzaq ýaqyt boıy qylmystyq qýdalaý organdarynan jasyrynyp júrgen qańtar oqıǵasynyń eki qatysýshysyn ustady", - dep jazylǵan habarlamada.
Málimetke sáıkes, olar "Dıkıı Arman" laqap atymen tanymal Arman Jumageldıev uıymdasqan qylmystyq tobynyń múshesi bolǵan.
"Ustalǵandardyń biri Samat Ámirbaev 2022 jyly Shymkentte kisi óltirýge jáne sol qalanyń basqa turǵynyna qatysty ózinshe bılik etýge qatysy bar degen kúdikke ilingen. Ol Túrkistan oblysynyń aýmaǵynda ustaldy. Onyń kisi óltirý faktisi boıynsha sybaılastarynyń biri 16 jylǵa sottalyp, qazirgi ýaqytta bas bostandyǵynan aıyrý ornynda jazasyn ótep jatyr", - deıdi QR IIM uıymdasqan qylmysqa qarsy kúres departamentiniń basqarma bastyǵy Qýandyq Alpys.
Sondaı-aq, uıymdasqan qylmystyq toptyń ekinshi múshesi Almaty áýejaıynda shekaralas eldiń aýmaǵynan kelgennen keıin ustalǵan. Onda ol Qazaqstannyń quqyq qorǵaý organdarynan jasyrynǵan.
Ustalǵan adamdar ýaqytsha ustaý ızolıatoryna qamaldy.
