Ońtústik koreıalyq aktrısa Kım Se Ron synǵa ushyraǵannan keıin óz-ózine qol jumsady, dep habarlaıdy "Adyrna" ulttyq portaly «Rıonhap» basylymyna siltep.
Aktrısa 24 jasynda ómirden ótti. Basylymnyń málimetinshe, qyzdyń denesin onyń dosy tapqan. Ol aldyn ala belgilengen kezdesýge kelmegen soń, polıııanyń kómegine júgingen. Tergeý barysynda oqıǵa ornyn teksergen polıııa qyzmetkerleri páterge zańsyz kirgen izder tabylmaǵanyn aıtyp, Kım Se Ronnyń óz-ózine qol jumsaǵanyn rastady.
Kım Se Ron kıno álemine 9 jasynda qadam basqan. Onyń sońǵy iri jobasy – 2023 jyly Netflix platformasynda jaryq kórgen «Ańshylar» (Ohotnıchı psy) serıaly. Bul joba tanymal vebtýn negizinde túsirilgen.
2022 jyldyń kókteminde Seýlde aktrısa mas kúıinde kólik júrgizip, jol apatyna ushyraǵan. Osy áreketi úshin ol 20 mıllıon von (shamamen 13,8 myń dollar) aıyppul tóleýge májbúr bolǵan.
Keıin ol akterlik mansabyn toqtatty. Onyń qatysýymen túsirilgen Netflix serıalyndaǵy kórinisteri qıylyp tastaldy. Aktrısa qoǵam tarapynan qatty synǵa ushyrap, áleýmettik jelilerde qýdalaýǵa tap boldy. Kım Se Ron tipti esimin Kım A Im dep ózgertip, bıznes bastaýǵa jáne kınoǵa qaıta oralýǵa tyrysqan.
