Qazaqstandyq dziudoşylar Fransiia men Şveisariiadaǧy Qazaqstan elşılıkterıne kiız üi syilady, dep habarlaidy "Adyrna" ūlttyq portaly QazTAG-ke sıltep.
Kiız üiler elşılıkter aumaǧynda tıgılıp, qazaq mädenietın halyqaralyq deŋgeide nasihattau jäne mädeni bailanysty nyǧaitu maqsatynda qoiylǧan.
Delegasiia qūramynda JENYS käsıbi klubynyŋ prezidentı Almaz Älsenov, Qaraǧandy oblysynyŋ dziudo federasiiasynyŋ prezidentı Timur Tūrsynbaev jäne 2024 jylǧy Parij Olimpiadasynyŋ chempiony Eldos Smetov boldy.
Ūiymdastyruşylar būl bastama qazaq mädenietı men sportynyŋ maŋyzdylyǧyn körsetıp, halyqtar arasyndaǧy dostyq pen yntymaqtastyqty nyǧaituǧa yqpal etetının atap öttı.
"Bız öz elımızdıŋ mädeni bailanystaryn nyǧaituǧa üles qosqanymyzǧa quanyştymyz. Būl – bızge körsetılgen qoldauǧa jäne yntymaqtastyqqa degen alǧysymyzdyŋ belgısı. Mūndai syilyqtar Qazaqstan men Fransiia, sondai-aq Qazaqstan men Şveisariia arasyndaǧy qarym-qatynastardy odan ärı nyǧaituǧa yqpal etedı", – dedı Älsenov.
Parijdegı şarany Qazaqstannyŋ Fransiiadaǧy elşısı Gülsara Arystanqūlova ūiymdastyrsa, Jenevadaǧy resmi qabyldau Qazaqstannyŋ BŪŪ janyndaǧy tūraqty ökılı Erlan Älımbaevtyŋ qoldauymen öttı.
