Özbekstan qaruly küşterınde drondarmen küres, robottardy qoldanu, äue şabuylyna qarsy qorǧanys bölımşelerı, sondai-aq jasandy intellekt tehnologiialaryn paidalanatyn kiberqūrylymdar paida bolady. Mūndai tapsyrmany el prezidentı Şavkat Mirziioev Qauıpsızdık keŋesınıŋ 21 aqpanda ötken otyrysynda berdı, dep habarlaidy "Adyrna" ūlttyq portaly Ferǧana agenttıgıne sılteme jasap.
Prezidenttıŋ aituynşa, armiiany damytuda qazırgı zamanǧy äskeri qaqtyǧystar men soǧys jürgızu ädısterın eskeru qajet. Äsırese jasandy intellekt, robottandyrylǧan jüieler, zymyrandar men ūşqyşsyz ūşu apparattaryn keŋınen qoldanu mäselesıne erekşe nazar audaru kerek.
Sonymen qatar, äskeri basqarudyŋ bıryŋǧai avtomattandyrylǧan jüiesın äzırleu jäne kadrlardy daiarlaudyŋ zamanaui ädısterın engızu josparlanyp otyr.
Qauıpsızdık keŋesınıŋ otyrysynda "Bas serjanttar korpusyn" jetıldıru, qorǧanys önerkäsıbın damytu, äskeri qyzmetşılerdı äleumettık qoldau jäne jastardy patriottyq ruhta tärbieleu mäselelerı de talqylandy.
Memleket äskeri qyzmetşılerdıŋ äleumettık jaǧdaiyn jaqsartu şaralaryn jalǧastyryp keledı. Qazırge deiın 30 myŋ otbasy baspanamen qamtamasyz etılıp, ekı myŋnan astam bala joǧary oqu oryndaryna tüsu kezınde jeŋıldıkter alǧan.
Özbekstan qorǧanys-önerkäsıp keşenın damytudy jalǧastyruda. Eldıŋ äskeri önerkäsıbı jaŋa käsıporyndarmen tolyqty, al armiia halyqaralyq yntymaqtastyqty nyǧaitu maqsatynda 20-dan astam elmen bailanys ornatyp, 400-den astam bırlesken äskeri jattyǧuǧa qatysqan.
Prezident Şavkat Mirziioev 21 aqpanda qorǧanys önerkäsıbı agenttıgınıŋ innovasiialyq tehnologiialar ortalyǧynda bolyp, jaŋa äskeri äzırlemelermen tanysty. Būl ortalyq 80-ge juyq äskeri tehnika türın şyǧarady.
Özbekstan halyqaralyq äskeri körmelerge de belsendı qatysyp keledı. IDEX-2025 körmesınde (BAÄ) eldıŋ äskeri tehnikalary, onyŋ ışınde "Arslon 8x8" jäne "Arslon 6x6" bronetransporterlerı, "Tufon" özdıgınen jüretın gaubisasy şeteldık serıktester tarapynan erekşe qyzyǧuşylyq tudyrdy.
