Abai oblysynyŋ äkımı Berık Uäli öŋırdegı su tasqyny qaupı bar aimaqtardy tıkūşaqpen aralap şyqty. Būl turaly bügın, 24 aqpanda oblys äkımdıgınıŋ baspasöz qyzmetı jazdy, dep habarlaidy «Adyrna» tılşısı.
«Tıkūşaqpen barlau barysynda Şülbı su elektr stansiiasyndaǧy gidrologiialyq jaǧdaiǧa, köktemde Ertıs pen Uba özenderındegı su deŋgeiı köterıletın qauıptı oryndarǧa den qoiyldy. Mūz jaru jūmysy jürgızılgen eldı mekender de nazardan tys qalmady. Aimaq basşysy Boroduliha audanyndaǧy Krasnyi Iаr, Peremenovka auyldary men Jezkent kentı aumaǧyndaǧy qar deŋgeiın äueden baqylady. Atalǧan eldı mekender maŋynda jyl saiyn mūz jaru jūmysy jürgızıledı. Öitkenı gidroqūrylymdar jaqyn ornalasqan»,—delıngen habarlamada.
Abai oblysy äkımınıŋ orynbasary Dimitrii Garikov özenderde mūz jaru jūmysyn jürgızuge daiyndyq barysy da tekserılgenın mälımdedı.
«Oblystyŋ basqa da audandaryndaǧy tasqyn qaupı bar eldı mekenderdı tūraqty baqylauda ūstap otyrmyz. Kündelıktı monitoring jürgızemız. Aimaq basşysyna öŋırdegı ahualdy tolyq baiandadym»,—dedı ol.
Ekı audan men oblys ortalyǧyndaǧy gidrologiialyq jaǧdaidy baǧamdaǧan oblys äkımı özenderdegı su deŋgeiın, öŋırdegı barlyq su bögenderın, su ötkızu qūrylǧylaryn jıtı baqylauda ūstaudy tapsyrdy.
«Aldaǧy uaqytta Besqaraǧai audanynyŋ Jetıjar, Krivinka auyldary men Semei qalasy aumaǧyndaǧy Ertıs özenınde mūz jaru jūmysy jürgızıledı. Būl jūmysty jalǧastyru qajet. Jaqyn arada Besqaraǧai, Ürjar, Maqanşy, Aqsuat audandaryna baryp, su tasqynyna daiyndyq barysyn köremın. Qazırgı taŋda öŋırdegı ahual tūraqty», — dedı oblys äkımı.
<
