Etnikalyq qazaqtarǧa Qazaqstanda 10 jyl ömır süruge jäne jūmys ısteuge qūqyq beretın 65 «Ata joly» kartasy berıldı. Būl turaly bügın, 24 aqpanda Eŋbek jäne halyqty äleumettık qorǧau ministrlıgı aitty, dep habarlaidy «Adyrna» tılşısı.
Resmi derekterge süiensek, elımızde öz ısın damytuǧa daiyn biznes-immigranttar 27 karta alǧan, al sūranysqa ie mamandar osyndai 38 kartanyŋ iegerı atanǧan.
«Ata joly» kartasyn aluşylar ışınde injener-fizik, injener-matematik, himiialyq tehnologtar, jaq-bet hirurgiiasynyŋ därıgerlerı, pediatrlar jäne taǧy basqa mamandar bar. Olar Resei, Germaniia, Moŋǧoliia, Qytai, Ūlybritaniia, AQŞ, İzrail, Fransiia, Niderlandy, Finliandiia, Qyrǧyzstan jäne Özbekstan sekıldı şet elderden keldı.
«Ata joly» kartasyn engızudıŋ maqsaty tarihi otanymen bailanysty nyǧaitu, ūlttyq dästürlerdı saqtau, Qazaqstanda olardyŋ äleuetın ıske asyru üşın elge käsıpqoilar men tabysty biznesmenderdı tartu bolyp tabylady. Būl karta şetelde tūratyn etnikalyq qazaqtarǧa öz şyǧu elderınıŋ azamattyǧyn saqtai otyryp berıledı»,—delıngen habarlamada.
Aita keteiık, «Ata joly» kartasynyŋ iegerlerı elge kırgen kezde 10 jyl merzımge tūruǧa rūqsat alady jäne eŋbek qyzmetın jüzege asyru nemese biznes jürgızu üşın qonystanu öŋırın derbes taŋdaidy.
