Ş.Aimanov atyndaǧy «Qazaqfilm» kinostudiiasynyŋ basşylyǧy Fransiiada ötken 31-Vesoul halyqaralyq Aziia kinofestivalınen üş bırdei jülde alǧan «Äbıl» filmınıŋ rejisserı Elzat Eskendır men tuyndyda basty röldı somdaǧan akter Erlan Töleutaidy ǧimarattyŋ ışıne kırgızbegen, dep habarlaidy «Adyrna» tılşısı.
«Bügın, bız, iaǧni rejisser Elzat Eskendır ekeumız "Äbıldıŋ" Europa törınde sättı häm tabysty ötken triumfualdy premerasynan keiıngı jeŋısın "Qazaqfilm" ūjymymen jäne onyŋ uaqytşa basşylarymen bölıspekke kinostudiiaǧa bardyq. Alaida bızdı "Qazaqfilmge" kırgızbedı. Esık közındegı qarauyl bögegen soŋ bız uaqytşa prezident Aidar Omarovtyŋ jeke küzet bastyǧyna telefon şalyp söilestık. Ol bolsa menı ışke kırgıze almaitynyn, öitkenı Omarovtan menı kırgızbeu jönınde būiryq tüskenın jetkızdı. Şyntuaitynda bız "Qazaqfilmge" erıgıp barmaǧan edık. Europadan soŋ "Qazaqfilm" basşylyǧynan habar kütkelı aptanyŋ jüzı bolǧan-dy. Alaida Aidar Omarov bızdei halyqaralyq kinofestival jeŋımpazdaryn qūttyqtamaq tügılı habarlasudy boiyna ar sanady bılemın, habarlaspady. Bolmaǧan soŋ özımız bardyq. Sebebı "Äbıl" memlekettık tapsyryspen tüsırılgen "Qazaqfilmnıŋ" töl tuyndysy bolǧandyqtan, osy filmnıŋ kei mäselesın basşylyqpen aqyldasqymyz kelgen edı. Sondai-aq bır aiǧa sozylatyn Europa saparyna qarjylai qoldau körsetu jönınde kömek sūraǧan rejisser Elzat Eskendırdıŋ qaŋtar aiynyŋ 14-ı künderı A.Omarovqa jazǧan hatynyŋ taǧdyryn da bılgımız kelgen. Öitkenı arada 1 ai, 10 kün ötse de uaqytşa direktordan eş jauap bolmaǧan edı. Ekeumız osynyŋ da jaiyn bılmek boldyq»,—dep jazdy äleumettık jelıde Erlan Töleutai.
Ol sondai-aq «Qazaqanimasiia» ŞB jaiyn da öz közımen körmekşı bolǧanyn jetkızdı.
«Qazaqanimasiia» jönınde nebır suyq habarlar jeldei esıp, tarap jatqan edı. Myna videoda aitylǧandai bügın sonyŋ anyǧyn bıldım. Men Europa memleketterınde öner şaşyp, mädeni maidan keşıp jürgenımde iaǧni menıŋ kinostudiiada joq kezımdı özderınıŋ pasyq äreketterın jüzege asyruǧa jymysqylyqpen paidalanǧan Aidar Omarov bastaǧan "Qazaqfilmnıŋ" uaqytşa bastyqtary men ondaǧan jyldan berı jetekşı redaktor bolyp tabylatyn "Qazaqanimasiia" ŞB Astanaǧa köşırıp jıberuge astyrtyn şeşım qabyldaǧan. Astyrtyn şeşım qabyldaǧany sol emes pe, "Qazaqanimasiia" basşylyǧymen jäne ūjymyna aitpaǧan. Aitpaq tügılı, sezdırmegen. Ärine, mūnyŋ artynda Mädeniet jäne aqparat ministrlıgınıŋ, sondaǧy "qoi terısın jamylyp", "qūpiia" keŋesşı bop otyrǧan lobbi toptardyŋ belsendı ökılderınıŋ tūrǧandyǧy belgılı. Maqsat aiqyn. Olar Şäken Aimanov atyndaǧy "Qazaqfilmdı" osylai aiausyz ärı alaiaqtyqpen bölşekteu arqyly kinostudiianyŋ tübıne jetıp tynbaq. Öitkenı "Qazaqfilmnıŋ" jerın satpaqşy bolyp jürgen qylmystyq topqa osy "Qazaqanimasiia" ūjymy bırneşe jyldan berı qatty qarsylyq körsetumen keledı. Endı on oilanyp, myŋ tolǧanǧan būl lobbi toptar alynbas qamalǧa ainalǧan animasiia bekınısın aludyŋ amalyn tapqandai. Ata jaulary "Qazaqanimasiia" şyǧarmaşylyq bırlestıgın Almatydan jer audaru arqyly joiyp jıbermek»,—dep tolyqtyrdy öner iesı.
Akter köpşılıktı animasiialyq kino önerınıŋ qara şaŋyraǧyn qūlatpauǧa şaqyrdy.
«Men būl afiorany HHI ǧasyrdaǧy qazaq kino önerıne jasalǧan eŋ auyr qastandyq häm eŋ el mädenietındegı adam aitqysyz sipatqa ie alaiaqtyq dep baǧalaimyn. Mūnyŋ artynda qazaq säbilerın ruhani aşarşylyqqa ūşyratu saiasaty jatyr. Būlar aqparat qūraldary arqyly qazaqty qaita orystandyruǧa Kremlden tapsyrma aldy jäne sony jüzege asyruǧa belsene ärı astyrtyn kırıstı dep edı, ras bolǧany ma, aǧaiyn?
Bız kinogerler, būl sūmdyqqa könbeimız ärı aiyptaimyz jäne jan aiamai küresemız! Qazaqtyŋ tūŋǧyş multiplikasiia rejisserı, ūly animator Ämen Qaidarov osydan 57 jyl būryn qūrǧan animasiialyq kino önerınıŋ qara şaŋyraǧyn qūlatpaimyz! Sol üşın de "Qazaqanimasiia" şyǧarmaşylyq bırlestıgın jer audartpaimyz, ölıspei berıspeimız! Bızdı osynau mädeni maidanda qoldaŋyzdar! Eger qazaq ruhy mädeni maidanda jeŋılıs tapsa, saiasi-ekonomikalyq, äleumettık, eŋ bastysy, memlekettı saqtau mūraty jolyndaǧy maidandardyŋ barlyǧynda jeŋılmek jäne būl Täuelsızdıktıŋ aqyry bolmaq. Betı aulaq, ärine!»—dep tüiındedı ol.
