Bılım beru infraqūrylymyn qoldau qory esebınen 22 myŋ oquşy ornyna arnalǧan taǧy 28 jaŋa mektep salynady. Būl turaly Oqu-aǧartu ministrlıgınıŋ baspasöz qyzmetı mälımdedı, dep habarlaidy “Adyrna” ūlttyq portaly.
Prezidenttıŋ tapsyrmasy boiynşa qūrylǧan qor jemqorlardan tärkılengen qarajat esebınen tolyqtyrylyp keledı. Onyŋ negızgı maqsaty bılım beru ūiymdary üşın jaŋa ǧimarattar salu, keŋeitu arqyly apatty mektepter men oryn tapşylyǧyn joiu.
"Memleket balalar üşın qolaily jaǧdai jasauǧa erekşe köŋıl bölıp kelelı. Bügıngı taŋda 74,4 myŋ oryndyq 61 mektep paidalanuǧa berıldı, onyŋ 29-y auyldyq eldı mekenderde ornalasqan", – dep atap öttı infraqūrylymdy damytu departamentınıŋ basqarma basşysy Jaiyq Mahsutov.
Aqparatqa säikes, 2024 jyly 25 mektep salyndy, olardyŋ basym bölıgı Astana qalasynda, jäne Maŋǧystau, Almaty, Jambyl oblystarynda ornalasqan. Barlyq bılım beru ūiymdary zamanaui qūral-jabdyqtarmen jabdyqtalǧan.
Ūqsas jaŋalyqtar
